Rzgar.jpg

ڕاوی گورگی سپی، 10 ساڵ گەڕان بەدوای ئوسامە بن لادندا

كتێبی (ڕاوی گورگی سپی- 10 ساڵ گەڕان بەدوای بن لادندا) بڵاوكرایەوە. ئەم كتێبە لەلایەن رۆژنامەنوسی ناوداری ئەمریكا، پیتەر بێرگن نوسراوەو رۆژنامەنوس و وەرگێڕ رزگار فایەق لە فارسیەوە كردویەتی بە كوردی. ساڵی 2020 دەزگای ئایدیا بۆ فكرو لێكۆڵینەوە كتێبەكەی چاپ و بڵاوكردۆتەوە.

ئەم كتێبە دیوە شاراوەكانی گەڕان و راوەدونانی 10 ساڵی دەزگا هەواڵگریەكانی ئەمریكا بەدوای ئوسامە بن لادندا ئاشكرادەكات.  هاوكات چۆنێتی كاركردنی رێكخراوی قاعیدە وەكو تۆڕێكی بەیەكەوە بەستراو شیدەكاتەوەو ئەو هۆكارانەش باس دەكات كە بونەتە هۆی ئەوەی داواكراوێكی جیهانی وەكو ئوسامە بن لادن، بتوانێت ماوەی 10 ساڵ لەناو خاكی پاكستاندا بژی و خۆیشی لە دەزگا هەواڵگریەكانی پاكستان و ئەمریكاو تەنانەت جیهانیش بشارێتەوە.

كەوایە چی بوەهۆی ئەوەی شوێنەكەی ئوسامە بن لادن ئاشكرا ببێت؟ كێ قاسیدی نامەو پەیامە دەنگی و ڤیدیۆییەكانی ئوسامە بن لادن بوو، ئەوكاتەی لەخانوەیەكی گەورەدا لە پاكستان خۆی حەشار دابوو؟ ئەو كەسە كێ بوو كە بووە كلیلی دۆزینەوەی سەرەداوی شوێنەكەی بن لادن؟ ئەمریكا چۆن هێرشی كردە سەر ئەو خانوە؟ چۆن بە دزیی پاكستانەوە كارەكە ئەنجام درا؟ هەموو ئەم پرسیارانەو زۆر پرسیاری دیكەی جەوهەری لەبارەی رێكخراوی قاعیدەو روداوەكانی 11ی سێپتەمبەرو كاردانەوەكانی و سیاسەتی جیهانی دژە تیرۆر  لەم كتێبەدا وەڵام دراوەتەوە.


ئەم بابەتە 106 جار خوێندراوەتەوە