Bahjat11.jpg

بەهجەت یەحیا: مەیانکوژن، ئازاریان مەدەن گوێ لە ئازارەکانیان بگرن

هونەرمەندی گۆرانیبێژى كورد بەهجەت یەحیا لەسەر کوشتنی خۆپیشاندەران هاتە دەنگ و دەڵێت ئەو لاوانە دوژمن نین مەیانکوژن.

له‌ واڵى تایبه‌تى خۆى له‌ تۆڕى كۆمه‌ڵایه‌تى فه‌یسبوك هونەرمەندی گۆرانیبێژى كورد بەهجەت یەحیا سه‌باره‌ت به‌ خۆپیشاندانەکانى هه‌رێمى كوردستان په‌یامێكى بڵاوكرده‌وه‌ و له‌سه‌ره‌تاى په‌یامه‌كه‌دا نوسیویه‌تى: " ئەو لاوانە دووژمن نین بەڵکوو منداڵە بێنازەکانی خۆمانن، ئەوانە پیاوە گەورەکانی دوارۆژی نیشتمانن مەیانکوژن، ئازاریان مەدەن گوێ لە ئازارەکانیان بگرن".

هه‌روه‌ها نوسیویه‌تى: "ئەوانە زۆر توڕەن لە باوکێک لە حکومەتێک کە داوایلێدەکەن، كه‌ ژیانێکی شەرەفمەندانەیان بۆ فەراهەم بکات".

له‌ كۆتایشدا ئاماژه‌ى بۆ ئه‌وه‌ كردووه‌، پێوویستە داواکەیان بە هەند وەربگیرێت، نەبا ئاگری برسێتی تەخت و تاراجی خۆشمان و ئەزموونەکەشمان بسووتێنێ".

هه‌ر سه‌باره‌ت به‌ خۆپیشاندان و گرژی و ئاڵۆزییەکان چه‌ند هونه‌رمه‌نێك په‌یامى خۆیان بڵاوكرده‌وه‌، بۆ بینینى په‌یامى هونه‌رمه‌ند (كیژان ئیبراهیم خه‌یات)، كلیك له‌ناوه‌كه‌ى بكه‌.

Bahjat_Yahya1


ئەم بابەتە 160 جار خوێندراوەتەوە