وشە و جوانی چەند وتارێکی ڕەخنەییە کە لەلایەن د. شاهۆ سەعید ەوە کراوە بەکوردی و لەلایەن دەزگای چاپ و پەخشی سەردەمە وە و لە چوارچێوەی دۆسییەکانی سەردەم چاپ و بڵاوکراوەتەوە.

ئەم وتارانە پێکدێن لە (239) لاپەڕە و نووسینی کۆمەڵێک نووسەرە و بابەتەکان پەیوەستن بە ئەدەب و بونیادە سەرەکییەکانی.

سایتی گەلاوێژ پاش پێشنیاری خوێندنەوەی ناونیشانی وتارەکان بۆ خوێنەرانی بڵاودەکاتەوە: ئەدەب چییە؟. ئۆگەستیزم لە ئەدەبدا. بونیادگەریی و سیمانتیکا لەنزیککاریی ریتمی شیعردا. مۆدێرنیزم وەک رێچکەیەکی ئەدەبی. پۆستمۆدێرنیزم لەئەدەب و هونەردا. کێشەکانی رەخنەی هونەری. بنەما فەلسەفییەکانی تیۆری رەخنەیی. سایکۆلۆژیای هونەر. فەلەسەفەی هونەر لای کامۆ. لەنێوان فەلسەفەی هونەر و جوانناسیدا.