Latif_Halmat.jpg

له‌تیف هه‌ڵمه‌ت، دیوانی ھەورو دووناو دوونكردنی دەقەكان

گوڵزار حەمە فەرەج

 لەتیف ھەڵمەت ڕێبازێكی تایبەتە لەشیعری كوردیدا، ئیمپراتۆری شیعری كوردیە، ئەم چل ساڵەی شیعری كوردی دەیسەلمێنێ، كە شیعر تاجی داھێنانە و لەتیف ھەڵمەتیش پادشایەكی دونیای شیعرە بۆ كتێبخانەی كوردی سەلماندوە و زەمەنێكی گەشانەوەشی بە شیعری كوردی داوە، كەھەمو رەنگەكانی لە ھارمۆنی جوانی كوردستاندا كۆكردۆتەوە، راستی لە تراویلكە جیاكردۆتەوە لە گێرانەوەی ھیوا بۆ نەوەكانی و نیشتمانەكەیدا مۆراڵ و دادی لێ دەتكێ، كە بە نوسینەكانی و شیعرەكانیدا ڕۆدەچیت و ئەكەویتە خۆیندنەوەیان ھەست ئەكەیت ئەم شیعرانە بۆ پەروەردە كردن و ماڵیكردنی ھەڵچونی مڕۆڤەكانە، چونكە مرۆڤەكان لە قسەو ئاخاوتنی سەرزارەكیدا تونرەون، لە شیعرەكانیدا تەرزە ژیانێكی خۆشگوزەران ئەبەخشێت و ھەم شڕۆڤەیەكی ئەدەبیش ئەبەخشێ و تریفەی بزەو، تریفەی ئاوێتە بون ئەبەخشێ بە دونیاو كلتورەكانی.

لەتیف ھەڵمەت ھەمو كات وەك كانیاوێكی پەنگخواردوی فەرھەنگ بوە بۆ نەوەكانی ڕابرودو لەھەمان كاتیشدا داھاتو، لەھەمو شیعرەكانیدا نیشانەی درەوشاوەی و بیرتیژی بیر روناكیی بوە، كە زیاتر لە چل ساڵە خزمەتی ئەدەب و زمان و ئەندێشەی كورد دەكات بۆ بەرژەوەندیەكی گشتی، كوانوی دیوەخانی شیعر لای ئەو ھەموكات لە كڵپەو بڵێسەدا بوە، لەتیف ھەڵمەت ھەم شیعری فۆلكلۆری لە فەوتان ڕزگار كردوە، ھەم نوێخواز بوە لە بواری زیندوكردنەوەی شیعردا،

كۆڵەكە سەرەكیەكەی ژانری شیعریە، چونكە شیعرەكانی شۆرشێكە بۆ لەناو بردنی ستەم، شیعرەكانی شتێكن خۆیان فەرز دەكەن بەسەر خەیاڵداو پەلكێشت دەكەن بۆ دونیایەكی تەلیسماوی، ئەتوانم بڵێم لەتیف ھەڵمەت شاعیڕێكی جیھانی و

دەرون ناسێكی كوردە، چونكە ھێندە جوانن ھەمو كات قوتابخانەیەكن بۆ نەوەكانمان و ناسنامەیەكە بۆ گەلەكەمان، لەشعرەكانیدا سادەیی و جوانی مۆڕاڵی پڕ لە گەوھەر پێوە دیارە، كە ئەبێت لە خوێندنگاكاندا بخوێنڕێت شاكارەكانی.

لەتیف ھەڵمەت یەكێكە لەو شاعیرانەی كەلە ڕیزی پێشەوەی  شاعیران حەفتاكاندایە و یەكەم نامیلكەی بەناوی «خواو شارە بچكۆلەكەمان» بو دواتر پڕچی ئەوكچە ڕەشماڵی گەرمیان و كوێستانمەو، گەردەلولی سپی بو دواتریش چەندین دیوانە شیعری دیكە، كە گەشانەوەیەكی جوانی بە خۆیەوە دی و لەدونیا لەنێو خەڵكدا جێ بوەوە پێشوازیەكی گەرمی لێ كرا لەم دیوان وشیعرە پڕ ماناو پڕ جوانیانە لەحزوری ئەم ئەم چەند كۆپلە یەدا ئەمان باتەوە بۆ دونیا جوانەكەی خۆی:

نیشتمان لەجانتای ئاوارەكاندایە

ھەمو ئەو جانتایانەی

بەرەودەریای ئیجە دەڕۆن

پڕاو پڕن لە نیشتمان

ئەوھەمو دڵانەی

لە ئیجەدا سەرنگون دەبن لێوانلێون لەیار

ئەو ھەمو ڕۆحانەی

لەتاراوگەكانداخامۆش دەبن

سیخناخ سیخناخن

لەخودا

ئەوان نیشتمان و خوایان برد

ئیتر ئێمە لێرە چیبكەین بەتەنیا

Latif_Halmat1


ئەم بابەتە 123 جار خوێندراوەتەوە