× ![]()
من شوانی مه‌ڕانم
فێرناندۆ پێسوا - و. جه‌بار سابیر
مه‌ڕه‌كان بیركردنه‌وه‌كانی منن و
هه‌ر بیركردنه‌وه‌یه‌ك، هه‌ستێك.
من به چاو و گوێ بیرده‌كه‌مه‌وه
به ده‌ست و قاچه‌كانم، به لووت و ده‌مم.
بیركردنه‌وه‌ی گوڵێك/ دیتن و بۆنكردنیه‌تی،
خواردنی میوه‌یه‌ك/ زانینی ماناكه‌ی.
هه‌ربۆیه له ڕۆژێكی گه‌رمدا
كاتێك خه‌ریكم ته‌واو چێژی لێوه‌رده‌گرم، غه‌مگین ده‌بم و
له گژوگیاكه‌دا ڕاده‌كشێم و
چاوه گه‌رمه‌كانم ده‌نووقێنم،
ئه‌وسا هه‌ست ده‌كه‌م هه‌موو له‌شم
له واقعیه‌تدا ڕاكشاوه،
ده‌زانم حه‌قیقه‌ت چییه و خۆشحاڵم.
ئەم بابەتە 61 جار خوێندراوەتەوە
