× ![]()
چاپی نوێی رۆمانی خۆشه‌ویستێكی ترسناكی هاروكی مۆراكامی
رۆمانی خۆشه‌ویستێكی ترسناك له نووسینی نووسه‌ری ناسراوی ژاپۆنی هاروكی مۆراكامی، له‌لایه‌ن ئه‌رده‌ڵان عه‌بدوڵڵاوه له زمانی ئه‌ڵمانییه‌وه كراوه به كوردی، چاپی دووه‌می له‌لایه‌ن ناوه‌ندی رۆشنبیریى ره‌هه‌ند بۆ چاپ و بڵاوكردنه‌وه له دووتوێى (290) لاپه‌ڕه بڵاوكرایه‌وه.
نوسه‌ر و وه‌رگێڕى كورد ئه‌رده‌ڵان عه‌بدوڵڵا له واڵى تایبه‌تى خۆى له تۆڕى كۆمه‌ڵایه‌تى فه‌یسبوك سه‌باره‌ت به‌م به‌رهه‌مه نوسیویه‌تى: "هاروکی مۆراکامی یەکێکە لە رۆماننووسە جوانەکانی جیهان، رۆمانی خۆشەویستێکی ترسناک یەکێکە لە کارە جوانەکانی و پێش چەند ساڵێک لە زمانی ئەڵمانییەوە کردم بە کوردی، زۆر سوپاس بۆ ناوەندی رەهەند چاپی دووەمییان کردەوە. هیوادارم بە دڵی خوێنەران بێت".
له پێشه‌كی رۆمانه‌كه‌دا هاتووه: "مۆراكامی به شێوازێكی ئه‌ده‌بی به‌رز، هه‌وڵیداوه مامه‌ڵه له‌گه‌ڵ پرسه‌كانی: "خۆشه‌ویستی، خۆكوشتن، نۆستالۆژیا، سێكس، كۆمه‌ڵگه‌ی ژاپۆنی نوێ، موزیك، نه‌وه‌ی 1968" بكات"، هه‌روه‌ها ئه‌وه‌ش نوسراوه: "ئه‌م رۆمانه گه‌شتی ژیانی كه‌سێكه، كه خۆشه‌ویستی و نۆستالۆژیا، تووشی كێشه‌ی گه‌وره‌ی ده‌كات و له كه‌سێكی ئاسایی و خۆشبه‌خته‌وه، ده‌بێته كه‌سێكی به‌دبه‌خت و تووشی كۆمه‌ڵێك كێشه‌ی ده‌روونی و كۆمه‌ڵایه‌تی ده‌بێت".
ئەم بابەتە 35 جار خوێندراوەتەوە
