Narmin.jpg

گوڵدانی ژن، فەرھەنگێك لە جوانی و گێڕانەوەی نەھامەتی

گوڵزار حەمە فەرەج

نوسینەوەی مێژووی سەوەریەكان، بەدەست و قەڵەمی سوڵتانێك نەبوە بۆ مەدح و سەنای خۆی، بەڵكو كەسێك لەزاری ئازاڕەكانەوە نوسیویەتیەوە، وەك خۆێ كێشاویەتی وێنای چاوی قوربانیەكانی بە چاوی پڕ لە فرمێسكەوە فڵچەی تابلۆی جوگرافیایەكی بێسنوری ڕەنگ كردوە، پڕن لەگوڵ، لەھەمو رەنگ و عەترەكان بۆ ھەمو ماندو بون و ئازارەكان، زەمانێك بەراستگۆیی و خۆشەویستیەوە بۆ كارەكەی و ھەڵدانەوەی ئازارەكانی نەتەوەیەكی ستەمدیدە، بەھێمنی لەسەر خۆیی و گوێگرتن لەو ھەمو ئازارە، بێگومان كاڕێكی ئاسان نیە، پڕن لە ناسۆر ھەر بۆیە ھێندەی تر ھێمن بوە، لەرقی زەمەنێكی بێ بەزەیی.

نەرمین عوسمان لە دوتوێی (482) لاپەرەدا، چاوپێكەوتن و دواندنی لەگەڵ ئەو ژنانەدا لەسەر ئاستی ژیانی سیاسی و ئابوری، كۆمەڵایەتی، فەرھەنگی و ئەدەبی ڕۆڵیان دیاریان لەبەرەو پێشچونی كۆمەڵگای كوردستاندا ھەبوە كردوە، ئەوان دیاترین ژن بون كە بیروەوەریەكانیان وەك گەنجینەیەك، لەمێژویی ڕۆژگارەكانیانەوە ھەڵگرتوە و باوەری تەواویان بە تواناكانی خۆیان ھەبوە و پشتیشیان كردۆتە نەریتە دواكەوتوەكانی كۆمەڵگه‌، بەدڵنیاییەوە سەكەوتنیان بەدەست ھێناوە و بەسەر ھەمو تەگەرەكانی ژیاندا سەركەوتون.

ژن كاتێك بەھێزو بەتوانا و گەشبین بێت ھەمو لایەنەكانی ژیان دەگڕێتە خۆو، دایكایەتی و پەیوەندیە كۆمەڵایەتیەكان و ئارەزوە ھونەریەكان و سەركەوتنیشی ھەرگیز لە ژنێتی كەم ناكاتەوە، ئەوكاتیش دایكێكی سەركەوتو پەروەردەكار دەبێت وتەیەكی چینی ھەیە دەڵێ: " دڵۆپە ئاوی بەردەوام بەرد كون دەكات"، ژنیش ھەموكات لەبەردەوامی ژیان و میھرەبانی و كۆڵنەدان نەوەستاوەو ھەمو كات پڕ پڕبون لە وزەو شەریان لەگەڵ ژیان كردوە بۆ سەركەتن و مانەوەی ھزرو فكری خۆیان تا خاوەن كەسایەتی و رۆحی ئازادی خۆیان بن.

لەدوتوێی ئەم كتێبەدا خاتو نەرمین عوسمان چاوپێكەوتن و دیداری لەگەڵ سی و پێنج ژندا كردوە كەھەر یەكێكیان فەرھەنگێكن لە جوانی و گێرانەوەی نەھامەتی و ڕۆژگاری سەخت و بە ئومێدەوە كۆششیان كردوە، بۆ بەدەستھێنانێ ئازادی و سەربەستی و، بەردەوام لەكاركردن بون بۆ پڕكردنەوەی ئەو كەلێنە گەورەیەی لەمێژوی تۆماركراوی گەلەكەماندا ھەیە، ھەریەك لەو خاتونانە بەپێی دونیابینی بۆ ژیان و ئەو ژیانە سەختانەی كە تێدابوە باسی كردوەو گوزارشتی لێكڕدوە، ئەوان پەیڤەكانی خۆیان وتوەو خاتو نەرمینیش ورد ورد كرویەتیە لاپەرەكانی ئەم پەرتوكە و بەیانی كردوە بۆ نەوەی ئێستاو داھاتو تابزانین چەند خەڵك لە نەھامەتیدا ژیانیان گوزەراندوە تاگەشتوە بەم ڕۆژگارە.

د. فیراز ئەوخانمەی لەتەكیەی تەریقەتەوە روی لەزانستی پزیشكی كرد، نەزیھە ئەدیب ئەو ژنەی خۆی و كتێبی خوردنەكەی لەھەمو ماڵێكی عێراقیدایە، روناك صائیب ھەڵدانەوەی پەروەردەكارێكی رۆح جوان، سەبریە نوری سۆلاڤێك لە بیرەوەری گفتوگۆ كردن لەگەڵ ئەم خانمانە و چەندین خانمی دیكەی نێو ئەم پەرتوكە بەگفتی نەرمین عوسمان كاتەكان لول دەدات و نازانڕێت چین كاتەكان تێپەردەبن و، بۆیە ھەست دەكەیت تەمەن و پیربون لای ئەو خانمانە ئەو مانایەیان نەماوە سەرەڕایی مەینەتیەكانی ژیان، پراو پڕن لە جوانى.


ئەم بابەتە 85 جار خوێندراوەتەوە