2424.jpg

كاتى بیست و چواره‌مین فێستیڤاڵى گه‌لاوێژ دیاریكرا

ئاگاداریه‌ك له‌ لیژنه‌ى بیست و چواره‌مین فێستیڤاڵى گەلاوێژ

به‌بۆنه‌ى هاتنى مانگى پیرۆزى ڕه‌مه‌زان ئه‌مساڵ له‌ مانگى (4) بیست و چواره‌مین فێستیڤاڵى گەلاوێژ ئه‌نجام نادرێت، به‌ڵكو له‌ رۆژى 25/5/2021 ئه‌نجام ده‌درێت، هه‌ر بۆیه‌ش ماوه‌ى وه‌رگرتنى بابه‌ته‌كانیش درێژكرایه‌وه‌ بۆ 1/4/2021.

بۆ سه‌رجه‌م ئه‌و شاعیر و چیرۆكنوس و نوسه‌رانه‌ى ده‌یانه‌وێت به‌ بابه‌ت له‌ (24) بیست و چواره‌مین فێستیڤاڵى گەلاوێژ به‌شدارى بكه‌ن، تكایه‌ ئاگادارى مه‌رجه‌كانى وه‌رگرتنى بابه‌ت بن به‌م شێوه‌یه‌ى خواره‌وه‌:

پێویستە سەرجەم بابەتى بوارەکانى (شیعر، چیرۆک، لێکۆڵینەوە) نوێ بن و پێشتر لە هیچ شوێنێک بڵاونەکرابێتەوە و بەفۆنتى یونیکورد گۆران تایپ کرابن و سایزى (14) بن.

شیعر، پێویستە لە (4) چوار لاپەڕە زیاتر نەبێت.

چیرۆک، لە (2000) دوو هەزار وشە زیاتر نەبێت.

لێکۆڵینەوە، لە (6000) شەش هەزار وشە زیاتر نەبێت.

لە رۆژى 15/12/2020 تاکو 1/4/2021 بابەتەکانى فێستیڤاڵ لە رێگەى ئیمەیلى ([email protected]) وەردەگیرێن.

لە رۆژى 25/5/2021 بیست و چواره‌مین فێستیڤاڵ لە شارى سلێمانى بەڕێوەدەچێت.


ئەم بابەتە 60 جار خوێندراوەتەوە