Adnan_Karim.jpg

عەدنان کەریم: یادی ماملێ تا ئه‌و ڕۆژه‌ی کوردێک مابێت به زیندوویی ده‌مێنێته‌وه

له‌ (22) بیست و دوو ساڵیادى كۆچى دوایى هونەرمەندى گەورەى کورد (محەمەدى ماملێ)، هونەرمەند (عەدنان کەریم) یادى سالًَیادى كۆچى دوایى ئه‌م هونه‌رمه‌نده‌ ده‌كاته‌وه‌.

هونەرمەند (عەدنان کەریم) له‌ واڵى تایبه‌تى خۆى له‌ تۆڕى كۆمه‌ڵایه‌تى ئینستاگرام نوسیویه‌تى: "مامۆستا (محه‌مه‌دی ماملێ) شوناسی مۆسیقای کوردی و ده‌نگی زوڵاڵ و به‌رزی موکریان و کوردستانه، ناو و یادی ماملێ تا ئه‌و ڕۆژه‌ی کوردێک مابێت به زیندوویی ده‌مێنێته‌وه".

دەقی نوسینەکە وه‌كخۆى:

قه‌تارێک هاتووه گه‌وهه‌ر باریه‌تی

خورشیدی خاوه‌ر سه‌رقه‌تاریه‌تی

مامۆستا «محه‌مه‌دی ماملێ» شوناسی مۆسیقای کوردی و ده‌نگی زوڵاڵ و به‌رزی موکریان و کوردستانه، ناو و یادی ماملێ تا ئه‌و ڕۆژه‌ی کوردێک مابێت به زیندوویی ده‌مێنێته‌وه ‌و ئه‌و ئه‌شق و ئه‌وینه‌ی ئه‌و بۆ مۆسیقا و هونه‌ر هەیبوو وایکرد خۆی و هونه‌ره‌که‌ی له دڵی تاک به تاکی خه‌ڵکی کورد دا تا هه‌میشه به زیندوویی بمێنێته‌وه.

ئه‌و گوڵه‌ی مه‌شهوری گشت عاله‌م بوو کوا یادی به‌خێر

مه‌یلی وی ده‌رمانی دەردی من بوو کوا یادی بەخێر

"عه‌دنان که‌ریم"

٣ی ڕێبەندانی ٢٧٢١کوردی

 محەمەدی ماملێ له‌ چه‌ند دێرێكدا:

- ناوى تەواوى: محەمەد میرزا سەعید عەلی.

- لە ساڵی 1925 لە گەڕەکی خڕێ لە شاری مهاباد لە دایکبووە.

- پشەى هونەرى: هونەرمەند 

- نازناوی ماملێ لە باپیرییەوە بۆی ماوەتەوە.

- بنەماڵەکەیان بە تێکڕایی هونەرمەند و دەنگخۆش بوونە.

- خوێندنی سەرەتایی لە قوتابخانەی پەھلەوی و سەعادەت لە مەھاباد تەواو کردووە.

- لە ساڵى 1938 یەکەم گۆرانی خۆی بەناوى (رۆیى بەجێى هێشتم) وتووە.

- لە رۆژى 29/2/1947 بەهۆى وتنى گۆرانى شیعری بەناوبانگی لایە لایەی هەژاری موکریانى زیندانى کراوە.

- لە ساڵی ١٩٦٣ ھاتووەتە باشوورى کوردستان و لە شاری سلێمانی و قەڵادزێ ئاھەنگێکی گێڕاوە.

- لە ساڵی 1968 جارێکى دیکە زیندانی کراوەتەوە.

- خاوەنى (9) نۆ منداڵ بووە، کە (7) حەوتیان کوڕ بووە و (2) دووانیان کچ.

- لە ماوەی‌ (56) ساڵی ژیانی‌ هونەرییدا نزیکەی (328) گۆرانی‌ تۆمارکردووە.

- لە ساڵی‌ ١٩٩٤ دوا گۆرانی‌ تۆمارکردووە.

- لە ساڵى 1994 تووشى نەخۆشیەکى سەخت بووە.

- لە رۆژى 23/1/1999 لە شارى مەهاباد کۆچى دوایى کردووە و لە مەراسیمێکى شایستەدا لە شارەکە بەخاک سپێردراوە.

- ساڵانە لە شارەکانى کوردستان بە چەندین شێواز ساڵیادى کۆچى دوایى دەکرێتەوە.

 

عەدنان کەریم له‌ چه‌ند دێرێكدا:

- پیشه‌ى هونه‌رى: گۆرانیبێژ

- لە ساڵی 1963 لە شاری کەرکووک لە دایکبووە.

- لە بنچینەدا خەڵکی دێی ژاژڵەی سەر بەناوچەی شارباژێڕە. .

- لە شاری سلێمانی ژیانی منداڵی و سەرەتایی ژیانی ھونەری گەشەی سەندووە.

- لە ساڵی 1985 بەشی نیگارکێشانی لە پەیمانگای ھونەرەجوانەکانی سلێمانی تەواو کردووە.

- ساڵى 1979 سەرەتای کاری ھونەریی لەگەڵ تیپی موسیقای سلێمانی ده‌ستپێده‌كات بە گۆرانیی دەسماڵێ. 

- لە ساڵی 1989 لەگەڵ ھەندێ ھونەرمەندی تردا تیپی مۆسیقای کۆمەڵەی ھونەرەجوانەکان دادەمزرێنن.

- لە ساڵی 1991 لە کۆڕەوە گەورەکەی کورددا بەرەو ڕۆژھەڵاتی کوردستان کەوتە ڕێ و لە شاری مھاباد بۆ ماوەیەک جێگیر بوو. لەو ماوەیەدا چەندین کاری ھونەری لەگەڵ ھونەرمەندانی موسیقی ناوچەی موکریان دا ئەنجام دا.

- لە ساڵی 1991 کوردستانی بەجێھێشتو‌وە.

- لە ساڵی 1994 - 1995 لە سوید دەچێتە بەر خوێندن و بۆ ماوەی ساڵێک کۆرسی تەکنیکیی تۆمارکردنی دەنگ و موسیقا تەواو دەکات.

- خاوەنى چەندین ئەلبومى گۆرانییە.

- لە چەندین ڤێستیڤاڵى نێودەوڵەتى بەشداریکردووە.

- ئێستا لە  وڵاتى سوید نیشتەجێیە.


ئەم بابەتە 66 جار خوێندراوەتەوە