ئەوینی من، خەندەی تۆ

‎لە تاریک ترین ساتەکانا ئەپشکوێت

‎وە ئەگەر دیت لە ناکاو خوێنی من

‎بەسەر شۆستەی جادەکان جۆگەی بەستوە، پێبکەنە

‎چونکە خەندەت

‎بۆ دەستەکانم شمشێرێکی هەڵکێشراوە

‎پێبکەنە، بە شەو

‎بە ڕۆژ، بە مانگ

‎پێبکەنە بە پێچاو پێچی شەقامی دورگەکە ،

‎بەم کوڕێژگە شەرمنەی کە خۆشی ئەوێیت.

‎بەڵام ئەوکاتەی چاو ئەکەمەوه و لێک ئەنێم،

‎ئەو کاتەی پێیەکانم دێن و دەڕۆن

‎ نان، هەوا

‎ڕۆشنای، بەهار

‎لە من بسەنەوە،

‎بەڵام خەندەت هەرگیز!

‎تا چاو بەڕوی دنیا لێک نەنێم.

پابلۆ نیرۆدا (Pablo Neruda)، شاعیر و نوسه‌رى چیلی له‌ رۆژى 12/7/1904 له‌ گوندى بارال له‌ چیلى له‌ دایكبوه‌، لە رۆژى 23/9/1973 له‌ ته‌مه‌نى (69) ساڵى به‌ نه‌خۆشى شێرپه‌نجه‌ کۆچى دوایى کردووە، له‌ ساڵى 1971 خەڵاتی نۆبڵی ئەدەبى وەرگرتووە.

 

ئەم بابەتە 16 جار خوێندراوەتەوە