Beri_shlmashi.jpg

فیلمی (گەورە دێ) خەڵاتی کامێرای زێوینی ھوڵەندی به‌ده‌ستهێنا

له‌ مه‌راسیمێكدا لە وڵاتی ھۆڵندا فیلمی (گەورە دێ) خەڵاتی کامێرای زیوی ھۆڵندی به‌ده‌ستهێنا.

له‌ رۆژى 4/2/2021 له‌ وڵاتى هۆڵه‌ندا فیلمی دیجیتاڵی (گەورە دێ) بەرھەمی ده‌رهێنه‌ر و سیناریۆنووسى كورد (بێری شڵماشی) توانى خەڵاتی کامێرای زێوینی ھوڵەندی به‌ده‌ستبهێنێت، فیلمه‌كه‌ لەسەر بەشێک لە مێژووی حیزبی دیموکڕاتی کوردستانه‌ و به‌ناوى فیلمی (گەورە دێ) به‌رهه‌مهێنراوه‌.

بێری شەڵماشی، ده‌رهێنه‌ر و سیناریۆنووسى كورده‌ و خەڵكی رۆژهەڵاتی كوردستانە و لە وڵاتى فەرەنسا لەدایكبووە، تەمەنی تەنیا یەك مانگ بووە كە لەگەڵ دایك و باوكی گەڕاونەتەوە شاخ و دوو ساڵ لە شاخ ژیاوە، دواتر جارێكى دیكه‌ لەگەڵ باوكی و دایكی چونه‌ته‌وه‌ تاراوگه‌ و له‌ هۆڵەندا ژیاوه‌ و گه‌وره‌ بووه‌.

له‌ وڵاتى هۆڵه‌ندا تێكەڵ به‌ هونەری حەوتەم بووه‌ و لە كۆلیژی سینەما لە شارى ئەمستردام بڕوانامه‌ى ماستەرى لە سینەمادا وەرگرتووه‌، دوای وەرگرتنی بڕوانامەكە هاتۆته‌ هەرێمی كوردستان و لە زانكۆی سەڵاحەدین بوه‌ته‌ مامۆستای سینەما.

Beri_shlmashi1

Beri_shlmashi2


ئەم بابەتە 93 جار خوێندراوەتەوە