Ahmead_mohammed.jpg

لێم مە پرسە؛

ئه حمەد محەمەد

لێم مەپرسە؛ بۆ ئێواران  لە تەنیایی تەنیاترم

جونکە ئازیز هەنگاو ئەنێم بەرەو ماڵی ساردو سڕم

خەڵکی ڕێیان چراخانەو داگیرساوی زەمانە یە

ڕێگەی منیش وەشك و خامۆش بۆ ئاساری وێرانەیە

بەم سووتانەش کەس نازانێت دڵم پشکۆی ئاگردانە

تەنیا عومرم ئاگادارە ئەوەیش ئەڕواو بێویژدانە

تەمەنیشم وەکو گەڵا لەبەر پێماهەڵوەریوە

پرسەی خەمە قژی رەشم بەلاوی رەنگی گۆڕیوە

لەئامێزی ئەمشەو چیبکەم کەمانگ ون بێت؛ لە دیارم

وەکو نەخشی سەر ئاو نەمانیگاری جوانی رۆژگارم

دەی شەقامی ئێوارانم جوان لەباڵام وردبەرەوە

وەرە هاوڕێی ئێوارانم باوە شتم بۆبکەرەوە 


ئەم بابەتە 25 جار خوێندراوەتەوە