Mosko.jpg

مۆسكۆ، شێوەكارێكی كورد پلەی یەكەم بەدەستدەهێنێت

شێوه‌كارێكى كورد دواى ئه‌وه‌ى به‌ (4) چوار تابلۆ بەشداری کرد له‌ فێستیڤاڵی نێودەوڵەتى له‌ مۆسكۆ توانى پله‌ى یه‌كه‌م به‌ده‌ستبهێنێت.

لە رۆژانی (9 تاكو 14/2/2021) لە شارى مۆسکۆ پایتەختی رووسیا، فێستیڤاڵی نێودەوڵەتی (ABSTRACTUM - Abstraction Festival) بەڕێوەچوو و تێیدا شێوه‌كارێكی كورد (نۆڕیک موسۆیان) توانى پله‌ی یه‌كه‌می فێستیڤاڵه‌كه‌ به‌ده‌ستبهێنێت.

له‌ فێستیڤاڵه‌كه‌دا جگه‌ له‌ شێوەکارانی روسیا و وڵاتانی سۆڤیەتی پێشوو، ھونەرمەندانی وڵاتانی بیانیش تیایدا به‌شداربوون، كه‌ تیایدا شێوەکاری کورد (نۆڕیک موسۆیان) بە (4) چوار تابلۆ بەشداری کرد و نوانى خه‌ڵاتى یه‌كه‌م بۆخۆى به‌ده‌ستبهێنێت، تابلۆكانیشى بریتى بوون له‌  (تابلۆی ژیری کورد، تابلۆی رۆحی کورد، باخچە و توخمی ئاو) .

لەلایەن لیژنەی ھەڵسەنگاندنی بەرھەمەکانی فێستیڤاڵیشەوە، تابلۆی (ژیری کورد)، کە پیاوێکی بەتەمەنی کوردە بەجامەنە و جلە نەتەوەییەکه‌یه‌وه‌، خەڵاتی یەکەمی فێستیڤاڵەکەی بەدەستھێنا


ئەم بابەتە 86 جار خوێندراوەتەوە