333333333.jpg

فرانسیسکۆس... قەدیسی من

دەزگای ڕۆشنبیریی جەمال عیرفان و کۆمەڵگەی پەروەدەیی مارگرێت رۆمانى (فرانسیسکۆس قەدیسی من) دەکات بە کوردى.

وا بڕیارە ئه‌مڕۆ پێنجشه‌ممه‌ 4/3/2021 كاژێر (3)ى ئێواره‌ دەزگای رۆشنبیریی جەمال عیرفان لە کارو پرۆژەیەکی نوێدا رۆمانى (فرانسیسکۆس قەدیسی من) لەنوسینی (نیکۆس کازانتزاکیس) و وەرگێڕانی نوسه‌ر و وه‌رگێڕى كورد (دلاوەر قەرەداغی) به‌ ئاماده‌بونى وه‌رگێڕى رۆمانه‌كه‌ له‌ مه‌راسیمێكدا بڵاوبكاته‌وه‌.

فرانسیسکۆس قەدیسی من، یه‌كێكه‌ له‌ و شەش کتێبی نوێیه‌ى دەزگای ڕۆشنبیریی جەمال عیرفان كه‌ ئه‌مڕۆكه‌ بڵاوده‌بێته‌وه‌.

 نیکۆس کازانتزاکیس (Nikos Kazantzakis) له‌ چه‌ند دێرێكدا:

پیشه‌ى ئه‌ده‌بى: رۆماننوس و شاعیر و فەیلەسوف و شانۆنوس و نوسه‌رى یۆنانی

لە رۆژى 18/2/1883 لە شارى کاندى دورگەى کریت لە دایکبووە.

لە ساڵى 1945 تێکەڵ بە ژیانى سیاسى بووە و کراوەتە سەرۆکى ئەنجومەنى باڵاى پارتى سۆسیالیست و پاشان بووە بە وەزیرى ڕووناکبیرى یۆنان.

لە ساڵى 1947 بۆ ماوەیەک نوسینگەى وەرگێڕانى کلاسیکى مرۆیى سەر  بە (یونسکۆ)ى لە فەڕانسادا بەڕێوەبردووە.

له‌ به‌رهه‌مه‌كانیدا پابەندى هیچ ئایدۆلۆژیایەکى دیاریکراو نەبووە، گیانى مرۆڤ دۆستى و ئازادى و خۆشەویستى و یەکسانى چینەکانى کۆمەڵگە ئامانجى ئەو بوون.

بەرهەمە دیارەکانى بریتین له‌: (داستانى (ئۆدیسە) ب شیعر، کە ٣٣ هەزار بەیتە، ڕۆمانى مەسیحى جارێکى دى لە خاچدراو، ڕۆمانى ئازادى یان مەرگ، رۆمانى دوا ختوورەکانى مەسیح، رۆمانى ئولیسیس، ڕۆمانى وێڵى ڕێى حەق، هەردوو ڕۆمانى (تودار بارا) و (باخى پەرژین) کە ڕاستەوخۆ بە زمانى فەره‌نسى نوسیونى، ڕۆمانى زۆرباى  یۆنانى.

لە رۆژى 26/10/1957 لە تەمەنى (74) ساڵى بە نەخۆشى لەشارى فرایبۆرگ لە ئەڵمانیا کۆچى دوایى کردووە.


ئەم بابەتە 53 جار خوێندراوەتەوە