555.jpg

ڕاپۆرت بۆ گریگۆ

دەزگای ڕۆشنبیریی جەمال عیرفان و کۆمەڵگەی پەروەدەیی مارگرێت رۆمانى (ڕاپۆرت بۆ گریگۆ) دەکات بە کوردى.

دەزگای رۆشنبیریی جەمال عیرفان لە کارو پرۆژەیەکی نوێدا رۆمانى (مێژ ڕاپۆرت بۆ گریگۆ) لەنوسینی (نیکۆس کازانتزاکیس) و وەرگێڕانی نوسه‌ر و وه‌رگێڕى كورد (دلاوەر قەرەداغی) له‌ مه‌راسیمێكدا بڵاوكرده‌وه‌.

ڕاپۆرت بۆ گریگۆ، یه‌كێكه‌ له‌ و شەش کتێبی نوێیه‌ى دەزگای ڕۆشنبیریی جەمال عیرفان كه‌ رۆژى پێنجشه‌ممه‌ى رابردوو به‌ ئاماده‌بونى وه‌رگێڕى كتێبه‌كه‌ بڵاوكرایه‌وه‌.

له‌به‌شێكى رۆمانه‌كه‌دا هاتووه‌:

گەنجیی ئاژەڵێکی کوێر و گۆشەگیر و بێ فۆڕمە .خواردنی دەوێ بەڵام نایخوات ، شەرم دەکات بیخوات . بەختەوەری لە کۆڵان پیاسەدەکا و هێندە بەسە سەرێکی بۆ بلەقێنێ و بە پیر داواکەیەوە بچێ . بەڵام سەری بۆ نالەقێنێ بە لوعەی ئاو دەکاتەوە و لێدەەڕێ زەمەن بێ سوود لێوەرگرتن بڕژێ و سەربکات وەک بڵێی زەمەن ئاو بێت.

گەنجی ئاوهایە ئاژەڵێکە بێ ئەوەی خۆی پەی بە ئاژەڵێتی خۆی ببا.

 

نیکۆس کازانتزاکیس (Nikos Kazantzakis) له‌ چه‌ند دێرێكدا:

پیشه‌ى ئه‌ده‌بى: رۆماننوس و شاعیر و فەیلەسوف و شانۆنوس و نوسه‌رى یۆنانی

لە رۆژى 18/2/1883 لە شارى کاندى دورگەى کریت لە دایکبووە.

لە ساڵى 1945 تێکەڵ بە ژیانى سیاسى بووە و کراوەتە سەرۆکى ئەنجومەنى باڵاى پارتى سۆسیالیست و پاشان بووە بە وەزیرى ڕووناکبیرى یۆنان.

لە ساڵى 1947 بۆ ماوەیەک نوسینگەى وەرگێڕانى کلاسیکى مرۆیى سەر  بە (یونسکۆ)ى لە فەڕانسادا بەڕێوەبردووە.

له‌ به‌رهه‌مه‌كانیدا پابەندى هیچ ئایدۆلۆژیایەکى دیاریکراو نەبووە، گیانى مرۆڤ دۆستى و ئازادى و خۆشەویستى و یەکسانى چینەکانى کۆمەڵگە ئامانجى ئەو بوون.

بەرهەمە دیارەکانى بریتین له‌: (داستانى (ئۆدیسە) ب شیعر، کە ٣٣ هەزار بەیتە، ڕۆمانى مەسیحى جارێکى دى لە خاچدراو، ڕۆمانى ئازادى یان مەرگ، رۆمانى دوا ختوورەکانى مەسیح، رۆمانى ئولیسیس، ڕۆمانى وێڵى ڕێى حەق، هەردوو ڕۆمانى (تودار بارا) و (باخى پەرژین) کە ڕاستەوخۆ بە زمانى فەره‌نسى نوسیونى، ڕۆمانى زۆرباى  یۆنانى.

لە رۆژى 26/10/1957 لە تەمەنى (74) ساڵى بە نەخۆشى لەشارى فرایبۆرگ لە ئەڵمانیا کۆچى دوایى کردووە.


ئەم بابەتە 63 جار خوێندراوەتەوە