Gaziza.jpg

گه‌زیزه‌ عومه‌ر: پیرۆزبایی ئەم ڕۆژەم لێ مەکەن

هونه‌رمه‌ندى كورد خاتوو گه‌زیزه‌ عومه‌ر له‌ رۆژى 8ى مارس رۆژى جیهانى ژنان په‌یامێكى بڵاوكرده‌وه‌.

خاتوو گه‌زیزیه‌ له‌ واڵى تایبه‌تى خۆى له‌ تۆڕى كۆمه‌ڵایه‌تى فه‌یسبوك له‌ ژێر ناونیشانى (پەیامی من لە 8 مارسدا) نوسیویه‌تى: "ئەی  دەسەڵات و خەم خۆران  و خاوەن کەرتی تایبەت... پیرۆزبایی ئەم ڕۆژەم لێ مەکەن"؟ ئه‌و هونرمه‌نده‌ ئه‌وه‌شى نوسیوه‌: "وەرن یارمەتیم بدەن ئەو پڕۆژە هونەریانە جێ‌بەجێ کەم کە ئە مڕۆ کۆمەڵگاکەم وەک تینویەتی بۆ ئاو پێویستیەتی".

گه‌زیزه‌ عومه‌ر، ناوى ته‌واوى (گەزیزە عومەر عەلی ئەمین) لە ساڵى 1961 له‌ شارى سلێمانى له‌ دایکبووه‌، هونه‌رمه‌ند و شانۆكارێكى دیارى كورده‌ له‌ ساڵى 1988 بەشی شانۆی لە پەیمانگای ھونەرەجوانەکانی  به‌غداد تەواو کردووە، دواتر بوه‌ته‌ بێژەری ڕادیۆیی لەبەشی کوردی رادیۆی بەغدا، كاتێكیش گه‌ڕاوه‌ته‌ وه‌ شارى سلێمانى بوه‌ته‌ مامۆستای شانۆیی لە پەیمانگای ھونەرە جوانەکانی سلێمانی، دوای چواردەساڵ لە خزمەتی پەیمانگا ڕێژەی خزمەتەکەی گوزاتۆته‌وه‌ بۆ وەزارەتی ڕۆشنبیری، بەیەکێک لەئەستێرە درەوشاوەکانی بواری شانۆ و سینەما دادەنرێت لەکوردستاندا، تاكو ئێستاكه‌ چەندین سیناریۆ و دەرھێنان و نواندنی شانۆیی ئه‌نجامداوه‌.


ئەم بابەتە 93 جار خوێندراوەتەوە