Mezhwi_Amro.jpg

مێژوی ئەمڕۆ 17/4

- له‌ رۆژى 17/4/1696 مارى دى رابیتان – شانتال (Marie de Rabutin-Chantal)، ژنه‌ ئه‌دیب و نوسه‌رى فه‌ڕه‌نسى له‌ ته‌مه‌نى (70) ساڵى كۆچى دوایى كردووه‌، لە رۆژى 5/2/1626 له‌ شارى پاریس له‌ دایكبووه‌.

- لە رۆژى 17/4/1790 بنیامین فرانکلین (Benjamin Franklin)، نوسەر و موزیسیان و دیزاینەری ئەمریکی لە تەمەنى (84) ساڵى لە شارى فیلادلفیا لە ئەمەریکا کۆچى دوایى کردووە، لە رۆژى 17/1/1706 لە شارى بۆستن لە ئەمەریکا لە دایکبووە.

- لە رۆژى 17/4/1886 جەعفەر نەقدى، شاعیر و نوسەرى عێراقى لە عمارەى شارى میسان لە دایکبووە، لە رۆژى 20/10/1950 لە تەمەنى (64) ساڵى لە کازمیەى شارى بەغداد کۆچى دوایى کردووە.

- له‌ رۆژى 17/4/2014 گابریل گارسیا ماركیز (Gabriel García Márquez)، رۆماننوس و نوسه‌رى كۆڵۆمبى له‌ ته‌مه‌نى (87) ساڵى به‌ نه‌خۆشى له‌شارى مه‌كسیكۆ كۆچى دوایى كردووه‌، له‌ رۆژى 6/3/1927 لە شارۆچکەی ئاراکاتاکای ناوچه‌ى سانتاماراى کۆڵۆمبیا له‌ دایكبووه‌، ئه‌و كاته‌ى له‌ شاری (سوکری) خوێندكارى سه‌ره‌تایى بووه‌، بە نووسینی شیعر و کێشانی کاریکاتێر ناوبانگى ده‌كردووه‌، بەھۆی بێدەنگبوون و سەرقاڵبوون بەکارەکانی لە خوێندنگه‌ بە (گابرێلی پیرە پیاو) ناوبانگى ده‌ركردووه‌، له‌ ساڵى 1941 یەکەمین به‌رهه‌مى نوسراوی لە رۆژنامەی (جوین تودەی) تایبەت بە خوێندکارانی کۆلۆمبیا بڵاوكردۆته‌وه‌، لە ساڵی 1946 لە تەمەنی (13) سیانزه‌ ساڵى بە شێوە‌یە‌كی دیار ده‌ستى كردووه‌ بە‌ نووسین، یەکەم کورتە چیرۆکی خۆی بە ناوی (سێیەمین دەست لە کارکێشانەوە ) لە ڕۆژنامەی (ئاڵ بۆتگاتا) بڵاوكردۆته‌وه‌، دواتریش له‌هه‌مان رۆژنامه‌ چه‌ند چیرۆكێكى دیكه‌ بڵاوده‌كاته‌وه‌، له‌ ساڵى 1965 دەستى بەنووسینی رۆمانی  (سه‌د ساڵ له‌ ته‌نیایى) كردووه‌ و لە ساڵی 1967  رۆمانه‌كه‌ى ته‌واو كرد، دواى ته‌واوكردنیشى بە خێرایی ھەموو سنوورەکانی جیھان بڕى و وەرگێڕدرایه‌ سەر زۆربەی زمانەکانی جیھان و له‌ناویشیاندا كرا به‌ زمانى كوردى، له‌ ته‌مه‌نى خۆیدا چه‌ندین رۆمانى نوسیوه‌، له‌وانه‌: (سه‌د ساڵ له‌ ته‌نیایى، عه‌شق و شه‌یتان، راپۆرتێك سه‌باره‌ت به‌ رفاندن، یاده‌وه‌رى خۆشه‌ویسته‌ خه‌مناكه‌كانى من، كاتژمێرى شووم، تۆفانه‌ گه‌وره‌كه‌....).


ئەم بابەتە 65 جار خوێندراوەتەوە