Damirtas.jpg

دەمیرتاش لە زیندانەوە سڵاو دەنێرێت

بەمەبەستی سازدانی فێستیڤاڵی فیلمی كوردی جیهانی و لەژێر دروشمی (كوردستانی من) فێستیڤاڵی فیلمی كوردی لەندەن ، خولی دوانزەهەمینی بە شێوەی ئۆنڵاین سازدەكرێت لە بەرواری 16-27/4/2021 كە هاوكاتە لەگەڵ یادی ٢٠ ساڵەی ئەم فێستیڤاڵەدا.

لەم خولەدا كۆمەڵێك فیلمی كوردی زۆر تایبەت نمایش دەكرێت كە لە سەرانسەری دنیاوە بەشداریان كردووە، لەگەڵ بەڕێوەچوونی چەندین چالاكی تری هونەری و ئەكادیمی.

بۆ ئەم خولەو ئەم وەرزەی فێستیڤاڵەكە. سەڵاحەدین دەمیرتاش_ چیرۆكنوس و سیاسەتمەداری زیندانی كراوی كوردستان سڵاودەنێرێت و پەیامی خۆی لە زیندانی ئەدرنەوە بۆ فێستیڤاڵەكە دەنێرێت.

 دەقی پەیامەكە:

 

هاوڕێیانی هێژا:

زیاد لە (١٢٠) ساڵ تێپەڕی بەسەر ئەوەی هەموو گەلێك بەزمانی خۆی فیلم بەرهەم بهێنێت. مێژووی ئیرادەی ئێمە بۆ گێڕانەوە بەزمانی خۆمان شتێكی نوێیە. ئەمشەرمەزارییە لە ئەستۆی هەموومانە

ئەم فێستیڤاڵە كە چەند عاشقێكی سینەما بە هەوڵ و ماندووبونێكی زۆر لەم كات و ساتە دژوارەدا هێناویانەتە گۆڕێ. شایەنی شەرەفێكی مێژووییە. ڕونە كە ئێوە دەبن بە چاوێكی نوێ و ڕەسەن، وشەیەكی ئازا و بەهێز لەبەرامبەر ئەو ڕووداوانەی كەچیرۆكەكانیان لە مێژە بەسەر چوون. هونەری ئەو گەلەش بێگومان پێك دێت لە فۆڕمێكی ڕەسەن كە ژیان و بەرخۆدان وەكوو هونەر دەهۆنێتەوە.

 بۆ هەموو ئەو هونەرمەندانەی لە ناوماندا. نەماون و بە كامێرا و پێنوسەكانیان پشتگیری ئەم نەریتەیان كردوە سڵاو و ڕێز دەنێرم.

هیوای سەركەوتن بۆ ئێوە و هەموو هاوكاران دەخوازم

 

سەڵاحەدین دەمیرتاش، گرتووخانەی ئەدرنە.

Damirtas1

Damirtas2


ئەم بابەتە 110 جار خوێندراوەتەوە