Mezhwi_Amro.jpg

مێژوی ئەمڕۆ 7/5

- له‌ رۆژى 7/5/1833 یوهانس برامس (Johannes Brahms)، موزیسیان و ئاوازدانه‌رى ئه‌ڵمانى له‌ شارى هامبۆرگ له‌ دایكبووه‌، له‌ رۆژى 3/4/1897 له‌ ته‌مه‌نى (63) ساڵى به‌ نه‌خۆشى شێرپه‌نجه‌ له‌شارى ڤینا له‌ نه‌مسا كۆچى دوایى كردووه‌.

- لە رۆژى 7/5/1840 پیتەر ئیلیچ چایکۆفیسکى (Pyotr Ilyich Tchaikovsky)، موزیسان و ئاوازدانه‌ر و ره‌خنه‌گرى موزیكى  و نوسه‌رى روسى لە شارى فوتکینسک لە روسیاى قەیسەرى لە دایکبووە، لە رۆژى 6/11/1893 لە تەمەنى (53) ساڵى بە نەخۆشى کولێرا لە شارى سان بترسبرگى روسیاى قەیسەرى کۆچى دوایى کردووە.

- له‌ رۆژى 7/5/1841 گۆستاف لۆبۆن (Gustave Le Bon) نوسه‌ر و مێژوونوس و ئه‌كادیمیست و پزیشكێكى فه‌ڕه‌نسى له‌ فه‌ڕه‌نسا له‌ دایكبووه‌، له‌ رۆژى 13/12/1931 له‌ ته‌مه‌نى (90) ساڵى هه‌ر له‌ فه‌ڕه‌نسا كۆچى دوایى كردووه‌، به‌رهه‌مه‌كانى بۆ زۆر زمانى جیهانى وه‌رگێڕدراون، چه‌ند به‌رهه‌مێكیى كراون به‌ كوردى له‌وانه‌، سایکۆلۆجیای سۆسیالیزم و شارستانیه‌تى بابل ئاشور له‌ وه‌رگێڕانى سه‌ربه‌ست جیهاد، سایکۆلۆژیای جەماوەر له‌ وه‌رگێڕانى (سەڵاح سەعدی)، شۆڕشی فەڕەنسی و ڕۆحی شۆڕشەکان له‌ وەرگێرانى (شەماڵ ئەحمەد)، ڕۆحی سیاسەت له‌ وەرگێڕانی (عومەر عەلی).

- له‌ رۆژى 7/5/1861 روبندرونات تاگور (Rabindranath Tagore)، رۆماننوس و شاعیر و نیگاركێش و نوسه‌رى هیندی له‌ شارى كالكوتا له‌ دایكبووه‌، لە رۆژى 7/8/1941 له‌ ته‌مه‌نى (80) ساڵى له‌ شارى كالكۆتا كۆچى دوایى كردووه‌، له‌ ساڵى 1913 خه‌ڵاتی نۆبڵی ئه‌ده‌بی وه‌رگرتووه‌.

- لە رۆژى 7/5/1867 فوادیسواف ریمۆنت (Władysław Reymont)، رۆماننوس و سیناریۆنوس و نوسه‌رى پۆڵەندى لە دایکبووە، لە رۆژى 5/12/1925 لە تەمەنى (58) ساڵى لە شارى وارشۆ کۆچى دوایى کردووە، لە ساڵى 1924 خەڵاتى نۆبڵى ئەدەبى وەرگرتووە.

- له‌ رۆژى 7/5/1929 تۆفیق زیاد، شاعیری فه‌له‌ستینی له‌ شارى ناسره‌ له‌ فه‌ڵه‌ستین له‌ دایكبووه‌، لە رۆژى 5/7/1994 له‌ ته‌مه‌نى (65) ساڵى به ‌روداوى هاتوچۆ له‌ ئورده‌ن كۆچى دوایى كردووه‌.

- له‌ رۆژى 7/5/1932 فقیر ئه‌سته‌هباناتى، شاعیرى ئێرانى له‌ ته‌مه‌نى (52) ساڵى له‌ شارى شیراز كۆچى دوایى كردووه‌، لە رۆژى 23/7/1879 له‌ ئه‌سته‌هباناتى له‌ شارى فارس له‌ دایكبووه‌.

- له‌ رۆژى 7/5/1951 وارنه‌ر باكستر (Warner Baxter)، ئه‌كته‌رى ئه‌مه‌ریكى له‌ ته‌مه‌نى (62) ساڵى به‌ نه‌خۆشى له‌ شارى بیفرلى هیلز له‌ ویلایه‌تى كالیفۆرنیا كۆچى دوایى كردووه‌، له‌ رۆژى 29/3/1889 له‌ شارى كولۆمبۆس له‌ ویلایه‌تى ئۆهایۆ دایكبووه‌.

- لە رۆژى 7/5/1961 مرهون سه‌فار، شاعیرى عێراقى له‌ ته‌مه‌نى (66) ساڵى له‌ شارى به‌غداد كۆچى دوایى كردووه‌، له‌ ساڵى 1895 له‌ شارى به‌غداد له‌ دایكبووه‌.

- لە رۆژى 7/5/ 1965 قانع (شێخ محەمەد شێخ عەبدولقادری شێخ سەعیدی دۆڵاشی)، شاعیری کورد لە ته‌مه‌نى (67) ساڵى له‌ گوندی لەنگە دێ لە ناوچەی شلێر کۆچی دوایی کردووە، لە رۆژى 15/9/1898 لەگوندی (ریشێن)ی بناری شارەزوور لەدایک بووە، بە شاعیری چەوساوەکانی کوردستان ناسراوه‌، لە زۆر بواردا شیعری نووسیوە لەوانە (نیشتمانی، دڵداری، کۆمەڵایەتی، نەتەوایەتی و ئایینی)، لەسەرەتای پەنجاکاندا بەهاوکاری مامۆستایان (عەلادین سەجادی و شوکر مستەفا) توانی پێنج بەش لە شیعرەکانی بەشێوەی دیوان چاپبکات.

- لە رۆژى 7/5/2019 موحسینه‌ تۆفیق، ژنه‌ ئه‌کته‌ری میسری لە تەمەنى (80) ساڵى لە شارى قاهیرە کۆچى دوایى کردووە، لە رۆژى 29/12/1939 لە شارى جیزە لە دایکبووە، لە ساڵى 1962 تاکو ساڵى 2005 بەشدارى لەکارى هونەریدا کردووە.


ئەم بابەتە 56 جار خوێندراوەتەوە