Mezhwi_Amro.jpg

مێژوی ئەمڕۆ 21/5

- لە رۆژى 21/5/1471 ئەلبرشت دورر (Albrecht Dürer)، نیگارکێشی ئەڵمانی لە شارى نۆرنبۆرگ لە دایکبووە، لە رۆژى 6/4/1528 لە تەمەنى (56) ساڵى بە نەخۆشى مەلاریا لە شارى نۆرنبۆرگ کۆچى دوایى کردووە.

- له‌ رۆژى 21/5/1688 ئەلكسەندەر پۆپ ( Alexander Pope)، شاعیر و وه‌رگێڕ و نوسه‌ری ئینگلیزی له‌ شارى له‌نده‌ن له‌ دایكبووه‌، له‌ رۆژى 30/5/1744 له‌ ته‌مه‌نى (56) ساڵى به‌ نه‌خۆشى سیل له‌ شارى له‌نده‌ن كۆچى دوایى كردووه‌.

- لە رۆژى 21/5/1790 تۆماس وارتۆن (Thomas Warton)، شاعیر و رەخنەگرى ئه‌ده‌بى و نوسه‌رى ئینگلیزى لە تەمەنى (62) ساڵى لەشارى ئۆکسفۆرد کۆچى دوایى کردووە، لە رۆژى 9/1/1728 لە شارى باسینجستۆك له‌ دایکبووە.

- له‌ شه‌وى 21/5/2009 قالە مەڕە (قادر محەممەد عەبدوڵڵازادە)، ھونەرمەندی شمشاڵژەنى كورد له‌ ته‌مه‌نى (84) ساڵى بە ھۆی نەخۆشییەکی درێژخایەن لە ماڵه‌كه‌ی خۆی لە لە شاری بۆکان کۆچی دوایی کردووه‌، رۆژى 22/5/2009 له‌ مه‌راسیمێكى شایسته‌دا له‌ شارى بۆكان له‌سه‌ر وه‌سێتى خۆى لە داوێنی ناڵەشکێنە لە پەنای گۆڕی ھونەرمەند حه‌سه‌ن زیره‌ك به‌خاكسپێردراوه‌، له‌ زستانى ساڵى  1925 لە گوندی کولیجە ى شارى بۆکان لە بنەماڵەیەكی هەژار له‌ دایكبووه‌، تەمەنی خۆی زیاتر بە شوانی و شمشاڵ ژەنی تێپەڕاندووە، لە لایەن شێخ محەمەد شێخی بورھان لە ناوچەی موكریان، نازناوی قالەمەڕەی پێبەخشرا، به‌هۆى ئه‌وه‌ى مێرمنداڵێكی زۆر ھێدی و ئارام بووە، له‌ سه‌رده‌مى گه‌نجێتیدا به‌ ڕێكه‌وت چاوى به‌ شمشاڵێكى مێژوویى به‌ده‌ستى پیره‌ پیاوێك ده‌كه‌وێت و پێشنیازى بۆ ده‌كات له‌ به‌رامبه‌ر مه‌ڕێك ئه‌و شمشاڵه‌ى بداتێ و ئه‌و پیاوه‌ش قبوڵى ده‌كا و شمشاله‌كه‌ى پێ ده‌دات، له‌ ساڵى 1993 خه‌ڵاتى باشترین و ته‌كنیكیترین شمشاڵژه‌نى له‌ ئه‌ڵمانیان پێبه‌خشراوه‌، به‌ڵام به‌هۆى هه‌ژارییه‌وه‌ نه‌یتوانیوه‌ سه‌ردانى ئه‌ڵمانیا بكات و خه‌ڵاته‌كه‌ وه‌ربگرێت، لە ساڵی  2002  لە شارى سلێمانی خەڵاتی ئەنفالى پێبه‌خشراوه‌، ئه‌مه‌ جگه‌ له‌ دەیان خەڵاتی دیكه‌ لە لایەن زانكۆكان و ناوه‌نده‌ ئه‌ده‌بى و هونه‌رى و هاووڵاتیانى هه‌رێمى كوردستان، لەناو هونەرمەندانی ئێراندا نازناوی (گەنجینەی گەڕۆك)ی پێدراوە، پێیان وابوو موزیكەكەی ئەو گەنجینەیەكی ڕەسەنایەتی كوردییە.

- له‌ رۆژى 21/5/2014 میدحه‌ت سوباعی، ده‌رهێنه‌ری میسری له‌ ته‌مه‌نى (64) ساڵى كۆچى دوایى كردووه‌، لە رۆژى 25/8/1949 له‌ دایكبووه‌.


ئەم بابەتە 130 جار خوێندراوەتەوە