Mezhwi_Amro.jpg

مێژوی ئەمڕۆ 31/5

- له‌ رۆژى 31/5/1594 تینتۆریتۆ (Tintoretto)، نیگاركێشى ئیتالى له‌ ته‌مه‌نى (76) ساڵى له‌ شارى بوندیقه‌ كۆچى دوایى كردووه‌، له‌ رۆژى 29/4/1519 له‌ شارى بوندیقیه‌ى ئیتاڵیا له‌ دایكبووه‌.

- له‌ رۆژى 31/5/1773 لودفیگ تیك (Johann Ludwig Tieck)، رۆماننوس و شاعیر و شانۆنوس و ڕه‌خنه‌گرى ئه‌ده‌بى و وه‌رگێڕ و سه‌رنوسه‌رى و ئه‌ڵمانى له‌ شارى به‌رلین له‌ دایكبووه‌، له‌ رۆژى 28/4/1853 له‌ ته‌مه‌نى (79) ساڵى له‌ شارى به‌رلین كۆچى دوایى كردووه‌،

- له‌ رۆژى 31/5/1809 جۆزیف هایدن (Joseph Haydn)، موزیسیان و ئاوازدانه‌رى نه‌مساوى له‌ شارى فینیا كۆچى دوایى كردووه‌، لە رۆژى 31/3/1732 له‌ شارى روهه‌ر له‌ دایكبووه‌.

- له‌ رۆژى 31/5/1819 والت ویتمان (Walt Whitman)، شاعیر و رۆماننوس و نوسه‌رى ئه‌مریكى له‌ شارى ویست هیلز له‌ ویلایه‌تى نیویۆرك له‌ دایكبووه‌، لە رۆژى 26/3/1892 له‌ ته‌مه‌نى (72) ساڵى به‌ نه‌خۆشى له‌ شارى كامدن له‌ ویلایه‌تى نیوجیرسى كۆچى دوایى كردووه‌.

- لە رۆژى 31/5/1922 دنهۆلم ئیلوت (Denholm Elliott)، ئەکتەرى ئینگلیزى لە شارى لەندەن لەدایکبووە، لە رۆژى 6/10/1992 لەتەمەنى (70) ساڵى بەنەخۆشى سیل لە شارى ئیبزاى ئیسپانیا کۆچى دوایى کردووە، لە ساڵى 1949 تاکو ساڵى 1992 بەشدارى لە کارى هونەریدا کردووە.

- لە رۆژى 31/5/2009 حسێن میسرى (حسێن رەحیم محەمەد ئەمین)، دەرهێنەرى بواری دراما و شانۆى کورد لە تەمەنی (52) ساڵیدا بە جەڵتەی دڵ لە شارى سلێمانى کۆچی دوایی کردووە، لە ساڵی ١٩٥٧ لە گەڕەکی شوان لە شاری کەرکوک لەدایکبووە، بەهۆى بارودۆخى سیاسی و ئابوری خێزانەکەیان نەیتوانیوە بخوێنێت و بۆخۆى خۆى فێری نووسین و خوێندنەوە کردووە و لە ماوەیەکی زۆر کەمدا بووەتە خوێنەرێکی زۆر باشی دەقە شانۆییە عەرەبی و بیانییەکان، زمانەکانی عەرەبی، تورکی و هیندی زانیوە، لە ساڵی 1973 بۆ یەکەمجار لە شاری موسڵ لە شانۆیی (من الذي قتل الوحش) وەکو ئەکتەر بەشداری کردووە، لە ساڵی 1977 کە بۆ خوێندنی کۆرسی شانۆیی دەچێتە میسرو لە گەڕانەوەی نازناوی میسری وەردەگرێت، لە دواى درووستبوونى تەلەفزیۆنى خاک بووە بە دامەزرێنەری بەشی درامای تەلەفزیۆنەکە و لێپرسراوی بەشەکە و چەندین هونەرمەندی گەورە و گەنجی لە شارەکانی سلێمانی، هەولێر، دهۆک، کەرکوک، کەلار، هەڵەبجە کۆکردەوە، هەشت (8)  درامای درێژی نوسیوە و کاری دەرهێنانی بۆ کردوون،  لە تەمەنیدا (21) درامای کورتی بەرهەمهێناوە، جگە لە چەندین کاری شانۆیی کە وەک ئەکتەر و دەرهێنەر ڕۆڵی تێدا بینیون.

- لە رۆژى 31/5/2015 محەمەد قەبانى، ئەکتەرى ئەردەنى لە تەمەنى (67) ساڵى بە نەخۆشى شێرپەنجە لە شارى ئوردەن کۆچى دوایى کردووە، لە رۆژى 25/9/1947 لە شارى قودس لە فەڵەستین لە دایکبووە، لە ساڵى 1972 تاكو ساڵى 2015 بەشدارى له‌ کارى هونەریدا کردووە.

- له‌ رۆژى 31/5/2020 هیام تەعمە، ژنە ئەكتەر و گۆرانیبێژی سوری له‌ ته‌مه‌نى (58) ساڵى به‌ نه‌خۆشى شێرپه‌نجه‌ له‌ هۆڵه‌ندا كۆچى دوایى كردووه‌، لە رۆژى 18/8/1961 له‌ شارى حه‌له‌ب له‌ دایكبووه‌.


ئەم بابەتە 2 جار خوێندراوەتەوە