Nawb.jpg

شاعیری گەورەى عێراق مزەفەر نەواب له‌ نه‌خۆشخانه‌ خه‌وێندرا

سه‌رچاوه‌كانى هه‌واڵ له‌ عبێراق و جیهان هه‌واڵى نه‌خۆشكه‌وتنى شاعیری گەورەى عێراق (مزەفەر نەواب)یان بڵاوكرده‌وه‌.

به‌پێى سه‌رچاوه‌كان، شاعیرو خەباتاگێڕ (مزەفەر نەواب) نەخۆشە ‌و لە یه‌كێك له‌ نەخۆشخانەكانى شاری (شاریقە)ی ئیمارات خەوێندراوە، بۆ ئه‌م مه‌به‌سته‌ش حەسەن نازم وەزیری رۆشنبیری عێراق بە تەلەفۆن لەگەڵ باڵیۆزی عێراق لە ئیماران قسەی كردووە‌ و داوای لێكردووە، سەردانی مزەفەر نەواب بكات لە نەخۆشخانە‌و چی پێویست بێت بۆی ئەنجام بدرێت‌و چاودێری دۆخی تەندروستی بكرێت.

مزه‌فه‌ر نه‌واب یه‌كێكه‌ له‌ شاعیره‌ شۆڕشگێڕه‌كانى عێراق، له‌ رۆژى 1/1/1934 له‌ شارى به‌غداد له‌ دایكبووه‌ ، له‌ ئێستادا ته‌مه‌نى (87) ساڵه‌، ساڵى رابردوو له‌ رۆژى شەممە 22/2/2020 لە هۆڵى پرۆفیسۆر عیزەددین مستەفا رەسوڵ لە شارى گراند ملینیۆم لە شارى سلێمانى، بە ئامادەبوانى ژمارەیەکى زۆر لە ئەدیب و نوسەران و مامۆستایانى زانکۆ و کەس و کار و هاوڕێیانى مزەفەر نەواب ، بنکەى روناکبیریى گەلاوێژ دیدارێکى بۆ شاعیرى شۆڕشگێڕ (مزەفەر نەواب) لە ژێرناونیشانى (مزەفەر نەواب لە ویژدانماندا دەدرەوشێتەوە) ساز کرد.

سه‌رۆك مام جه‌لال، ئه‌وكاته‌ى سه‌رۆك كۆمارى عێراق بوو لە کۆشکى سەرۆکایەتى عێراق پێشوازى لەم شاعیره‌ كردووه‌ و وتویه‌تى: "دەبێ شانازیت پێوە بکەین، میللەت دەبێ رێزت لێ بگرێت وەک هێمایەک بۆ داهێنان و خەبات، شیعرەکانت قوتابخانەن بەهاى شۆڕشگێڕانەى جوتیار و

پێشمەرگە و شەهید (دڵشاد مەریوانى) چەندین تێکستى ئەو شاعیره‌ى کردۆتە کوردى لەوانه‌ شیعرى (پاکانە)، کە دواتر هونەرمەند و پێشمەرگەى کۆچکردوو (حەمە جەزا) بە مەقامێکى زۆر کاریگەر وتویەتى، هەروەها چەندین شاعیرى کوردى تریش وەرگێڕانیان بۆ شیعرەکانى کردووە.

سایتى گه‌لاوێژ، هیواى ته‌ندروستى و سه‌لامى بۆ شاعیرى گه‌وره‌ى (مزه‌فه‌ر نه‌واب) ده‌خوازێت و هیواخوازین ته‌ندروست باش بێت و ئه‌و ته‌مه‌نه‌ى ماویه‌تى له‌ژیان دووربێت له‌ ئازار و ناخۆشى، هه‌روه‌كچۆن تا له‌ ژیاندابوو ئازارى زۆرى جه‌شت.


ئەم بابەتە 54 جار خوێندراوەتەوە