Fwad.jpg

روانگە و نەیارانی، له‌ ئێواره‌ كۆڕێكى بنكه‌ى روناكبیریى گه‌لاوێژدا

بنکەی روناکبیریی گەلاوێژ  وەک سەکۆیەکی ئازاد و ناوەندێکی ژیاریی،  ھەمیشە دەروازەی ھاتنە ناو داھێنانی قەڵەم و سەرجەم بەھرە ئازادەکان بووە و ھەرواش دەمێنێتەوە.. درەوشانەوەی بەردەوامی روناکبیریی و گەشانەوەی ھزرە رۆشنگەرەکان ئەرکی ھەمیشەییمان دەبێت.

هەر لەو چواچێوەیەدا کۆڕێک بە ناونیشانی (روانگە و نەیارانی) ڕێکدەخات.

وا بڕیاره‌ ڕۆژى شەممە 19/6/2021 كاژێر (4:30)ی پاشنیوەڕۆ له‌ هۆڵی شەهید ئازاد هەورامی له‌ ناوەندی ڕۆشنگەری چاودێر بنكه‌ى روناكبیریى گه‌لاوێژ له‌ ئێواره‌یه‌كدا كۆڕێك به‌ناونیشانى (روانگە و نەیارانی) بۆ نوسەر و روناکبیر فوئاد مەجید میسری سازبكات، واشبڕیاره‌ ئه‌م كۆڕ و چالاكییه‌ رۆشنبیریانه‌ له‌ رۆژانى شه‌ممه‌ له‌هه‌مان هۆڵدا به‌رده‌وامیان هه‌بێت.

فوئاد مەجید میسری له‌ چه‌ند دێرێكدا:

*ساڵی 1945 لە سلێمانی گەڕەكی مەڵكەندی لە دایكبووە.

*خوێندنی سەرەتایی و ناوەندی و ئامادەیی هەر لە سلێمانی تەواو كردووە.

*لەساڵی 1972 ـەوە، دەستی داوەتە نووسین و بە ڕەخنەی ئەدەبی دەستیپێكردووە.

*یەكێكە لەو نووسەرانەی زۆرترین بابەتی رەخنەیی لەسەر بابەتەكانی ئەدەبیاتی (روانگە)، نوسیوەو لە بڵاوكراوەكانی ئەو كات (هاوكاری، رۆشنبیری نوێ‌، رۆژی كوردستان، بیری نوێ‌، ژین) دا بڵاویكردوونەتەوە.

*ساڵی 1972 كتێبی (لەمەڕ ناكۆكی) (فی التناقظ)ی (ماوتسی تۆنگ)ی وەرگێڕاوە، كە یەكەم یاسای دیالێكتیكە.

*ساڵی 1973 نامیلكەی (دیكتاتۆریەتی دیموكراسی گەل)ی (ماوتسی تۆنگ)ی وەرگێڕاوەو لە هەفتەنامەی (هاوكاری) دا بەزنجیرە بڵاوكراوەتەوە.

*(بەتەنگەوە هاتنی ژیانی خەڵك و وریایی لە ئیشكردندا) بابەتێكی تری سیاسی (ماوتسی تۆنگ)ەو لە هاوكاریدا بڵاوكراوەتەوە.

* ساڵی 1973 لێکۆڵینەوەیەک بە ناوی سەربەستی ئافرەت کە لە شەش ژمارەی لە هەفتەنامەی هاوکاریدا بڵاوکراوەتەوە. ساڵی 2020 دەزگای ئایدیا سەرلەنوێ بە ناونیشانی (ئازادی ژن لە روانگەی مارکسیزمەوە) بڵاویکردۆتەوە.

*ساڵی 1974 لێكۆڵینەوەیەكی لە بارەی (كۆمۆنەی پاریس) نووسیوەو لە هاوكاری-دا بڵاوبووەتەوە.

*ساڵی 1978 لێكۆڵینەوەیەكی ئیستاتیكی بە ناونیشانی (شیعرو فەلسەفە)ی كردووە بە كوردی و بە كتێبێكی سەربەخۆ چاپ و بڵاوبۆتەوە.

*ساڵی 1978 تێكستی شانۆیی (خەج و سیاسمەند)ی نووسیوە.

*ساڵی 1979 تێكستی شانۆیی (راپۆرت)ی نووسیوە.

*ساڵی 1979 تێكستی شانۆیی (ئادابا) كە شانۆییەكی شیعرییە وەریگێڕاوەو بە كتێبێكی سەربەخۆ چاپیكردووە.

 *ساڵی 1981 تێكستی شانۆیی (ژیانی گالیلۆ)ی (بەرتۆلد *برێشت)ی كردووە بە كوردی و بە كتێبێك چاپیكردووە.

*ساڵی 1981 تێكستی شانۆیی (تەنەكە)ی لە نۆڤلێتی (تەنەكە)ی (یەشار كەمال)ەوە ئامادەكردووە.

*ساڵی 1982 تێكستی شانۆیی (سەلەی نانكەر)ی لە  رۆمانی نووسەری عیراقی (غائیب توعمە فەرمان)ەوە ئامادە كردووە.

*ساڵی 1982 كتێبی (رێنیسانس)ی (دكتۆر كەمال مەزهەر)ی كردووە بە كوردی.

*ساڵی 1985 تێكستی شانۆیی (چرا)ی لە رۆمانی (القربان)ی (غائیب توعمە فەرمان)ەوە ئامادە كردووە.

*ساڵی 1985 كتێبی (چینی كرێكارانی عیراق)ی (دكتۆر كەمال مەزهەر)ی كردووە بە كوردی.

* ساڵی 1986 نامیلکەی (دەوڵەت)ی (لینین)ی وەرگێڕاوەو ساڵی 2020 (ناوەندی کۆمۆن) سەرلەنوێ چاپ و بڵاویکردۆتەوە.

*ساڵی 1988 دەقی شانۆیی (دادگا)ی نووسیوە.

*ساڵی 1992 دەقی شانۆیی (دایكە ئازا)ی (بەرتۆلد برێشت)ی وەرگێڕاوە.

*ساڵی 1994 دەقی شانۆیی (شێر عەلی) نووسیوە.

*ساڵی 1997 كتێبی (كۆمەڵگا لە سایەی دەوڵەتی خەلافەتدا)ی نووسیوەو تا ئێستا چوار جار چاپكراوەتەوە.

*ساڵی 2000 كتێبی (جیهانگیری) نووسیوەو تا ئێستا سـێ‌ جار چاپكراوەتەوە.

*ساڵی 2002 كتێبی (بیری ئوسووڵیی ئیسلامی) نوسیوە و تا ئێستا سـێ‌ جار چاپكراوەتەوە.

*لە نێوان ساڵانی 2005-2007 كۆمەڵێك وتاری سیاسی  بە زمانی عەرەبی نووسیوەو لە گۆڤاری (الرؤية) دا بڵاویكردوونەتەوەو لە(2020) كۆی ئەو گوتارانەی بە كتێبی سەربەخۆ بە ناونیشانی (المواقف تتسح المواثيق) چاپ و بڵاوبووەتەوە.

* ساڵی 2006 (تێزەکانی مارکس – ئەنگلس دەربارەی ئەدەب و هونەر)ی وەرگێڕاوەو بە کتێبێکی سەربەخۆ چاپ‌و بڵاوکراوەتەوە. ساڵی 2019 دەزگای (جەمال عیرفان) سەرلەنوێ چاپ‌و بڵاوی کردۆتەوە.

*ئێستا دوو كتێبی لە تەواوبووندایە بە ناونیشانەکانی (من نەیاری روانگە بووم) و (رۆمانسیزم).

fwad1


ئەم بابەتە 51 جار خوێندراوەتەوە