Mezhwi_Amro.jpg

مێژوی ئەمڕۆ 26/6

- له‌ رۆژى 26/6/1892 پیرل بوك (Pearl Buck)، ژنه‌ رۆماننوس و سیناریۆنوس و وه‌رگێڕ و نوسه‌رى ئه‌مریكى له‌ شارى هیلزبورو له‌ دایكبووه‌، له‌ رۆژى 6/3/1973 له‌ ته‌مه‌نى (80) ساڵى به‌ نه‌خۆشى شێرپه‌نجه‌ له‌ شارى دانبلا كۆچى دوایى كردووه‌، له‌ ساڵى 1938 خه‌ڵاتى نۆبڵى ئه‌ده‌بى وه‌رگرتووه‌.

- له‌ رۆژى 26/6/1913 ئیمى سیزیر (Aimé Césaire)، شاعیر و شانۆنوس و نوسه‌رى فه‌ڕه‌نسى له‌ جه‌زیره‌ى مارتینیك له‌ دایكبووه‌، له‌ رۆژى 17/4/2008 له‌ ته‌مه‌نى (94) ساڵى له‌ شارى فوردوفرتانس كۆچى دوایى كردووه‌.

- له‌ رۆژى 26/6/1931 كۆلن ولسن (Colin Henry Wilson)، رۆماننوس و سیناریۆنوس و نوسه‌رى ئینگلیزى له‌ شارى لیسته‌ر له‌ دایكبووه‌، له‌ رۆژى 5/12/2013 له‌ ته‌مه‌نى (82) ساڵى به‌ نه‌خۆشى له‌ كۆرنول كۆچى دوایى كردووه‌.

- لە رۆژى 26/6/1933 حەسەن مستەفا، ئەکتەرى میسرى لە شارى قاهیرە لە دایکبووە، لە رۆژى19/5/2015 لە تەمەنى (81) ساڵى لە شارى قاهیرە کۆچى دوایى کردووە، لە ساڵى 1955 تاکو ساڵى 2015 بەشدارى لەکارى هونەریدا کردووە.

- له‌ رۆژى 26/6/1972 حەسەن زیرەك (حه‌سه‌ن عه‌بدوڵڵا)، گۆرانیبێژى كورد له‌ ته‌مه‌نى (51) ساڵى له‌ نه‌خۆشخانه‌ى شارى بۆكان كۆچى دوایى كردووه‌ و لە شاخی ناڵەشكێنە له‌سه‌ر وه‌سێتى خۆى بەخاك سپێردراوە، له‌ رۆژى 29/11/1921 له‌ گوندی هەرمێلەی شاری بۆکان له‌ دایكبووه‌، لە ساڵی 1971 تووشی نەخۆشیی شێرپەنجە بووه‌، بۆ ماوه‌یه‌كى زۆر له‌سه‌ر جێگه‌ كه‌وتووه‌، به‌ یەكێك لە بەناوبانگترین ھونەرمەندانی كورد داده‌نرێت، له‌ ساڵى 1930 لە تەمەنی (9) ساڵیدا لەگەڵ چەند دەنگخۆشێكى شاری بۆكان لە شاییەكانی ناو شار و گوندەكانی سنوه‌ره‌كه‌ گۆرانى وتوه‌، له‌ ساڵى 1953 چەندین كەسى ناودار له‌ گۆرانیبێژ و موزیسیان ده‌بینێت له‌وانه‌ (عەلی مەردان)، كه‌ هاوكارى ده‌بن لە چوونی بۆ بەشی كوردی (ڕادیۆ بەغداد)، بۆ یەكەم جار دەنگی لە ڕادیۆی كوردی بەغداد دەبیسترێ، لە ماوەی (51) ساڵی تەمەنیدا چەندین شاکاری هونەری لە ڕادیۆکانی تاران، كرماشان و تەورێز و به‌غداد تۆماركردووه‌.

- له‌ رۆژى 26/6/1994 مه‌ئمون شناوى، شاعیرى میسرى له‌ ته‌مه‌نى (80) ساڵى كۆچى دوایى كردووه‌، لە رۆژى 28/1/1914 لە شارى ئه‌سكه‌نده‌ریه‌ له‌ دایکبووە.

- لە رۆژى 26/6/2014 ئیلی والاچ (Eli Wallach)، ئه‌کته‌ری ئه‌مریکی لە تەمەنى (98) ساڵى لە شارى نیۆیۆرک کۆچى دوایى کردووە، لە رۆژى 7/12/1915 لە شارى نیۆیۆرک لە دایکبووە، لە ساڵى 1924 تاکو ساڵى 2014 بەشدارى لە کارى هونەریدا کردووە.

- له‌ رۆژى 26/6/2015 عه‌بدولحه‌مید ئه‌لرفاعی، ئەكتەری كوێتی له‌ ته‌مه‌نى (61) ساڵى له‌ كوێت كۆچى دوایى كردووه‌، له‌ رۆژی 1/1/1954 له‌ كوێت دایكبووه‌، لە ساڵى 1971 تاکو ساڵى 2015 بەشدارى لە کارى هونەریدا کردووە.

- له‌ رۆژى 26/6/2020 مه‌ناف تاڵب جبورى، ئه‌كته‌رى عێراقى لە تەمەنی (80) ساڵی بەهۆی فایرۆسى کۆرۆنا له‌ شارى به‌غداد كۆچى دوایى كردووه‌، له‌ ساڵى 1940 له‌ شارى كوت له‌ دایكبووه‌، له‌ ساڵى 1965 تاكو ساڵى 2020 به‌شدارى له‌كارى هونه‌ریدا كردووه‌.


ئەم بابەتە 39 جار خوێندراوەتەوە