Esmahi_Mahmwdi.jpg

كۆڕى قەیرانی تازەگەریی کوردی و پێوەندی لە گەڵ نەرێت به‌ڕێوه‌ده‌چێت

پلاتفۆڕمی دابڕان كۆڕێك بە ناونیشانی (قەیرانی تازەگەریی کوردی و پێوەندی لە گەڵ نەرێت) بۆ نووسەر و وەرگێڕ (د. ئیسماعیل مەحموودی) ڕێكدەخات.

كۆڕەكە رۆژى شەممە 10/7/2021 كاتژمێر (4:30)ـی پاشنیوەڕۆ لەهۆڵی شەهید ئازاد هەورامی لە ناوەندی ڕۆشنگەریی چاودێر بەڕێوەدەچێت.

پلاتفۆڕمی دابڕان و فێمێنیزمی رۆشنگەری وەرزێكی نوێی چالاكییەكانیان دەستپێكردووە بەناونیشانی (بانگەوازی دیالۆگە جیاوازەكان) لە (سەكۆی جیاوازی) تەنها پێوەریش دیالۆگی زانستی و رەخنەی ئازادە بۆ ئەوەی جوانیی جیاوازییەكان لەو سەكۆیەدا بخرێتەڕوو، لەو چوارچێوەیەشدا مانگانە دوو كۆڕ و سیمینار لەسەر پرسە جیاواز و جێ بایەخەكان بۆ نووسەر و ئەكادیمی و رۆشنبیر و رۆشنگەرەكان رێكدەخات.

 د. ئیسماعیل مەحموودی، لە دایکبووی شارۆچکەی نۆدشەی سەر بە هەورامانە. دکتۆرای مێژووی  لە زانکۆ ئەسفەهان خوێندوە و ئیستاش خەرێکی کاری نووسین و ڕۆژنامەگەری و توێژێنەوەیە..

مێژووی سیاسی و مێژووی ئەندیشە، بواری نووسین و خوێندنەوە و بیرکردنەوەی نووسەرن.

نووسەر خاوەن یەک بەرهەمی چاپکراوە بە نێوی حاجی قادری کۆیی و تازەگەریی کوردیی کە لە ئەساسدا شەش دەفتەرە و تەنیا یەک دەفتەری بڵاو بووەتەوە و  هەروەها خاوەن  بیست توێژێنەوە لە بواری مێژووی ئەندیشە بە زمانی فارسی و کوردی کە  بۆ نموونە ئەکرێت ئاماژە بە ئەمانەی خوارەوە بکرێت کە بە زمانی کوردی بڵاو بوونەتەوە.

1.حوزنی موکریانی و گوتاری مێژوونووسانەی کوردی

2.کۆمەڵگەی کوردی له ڕوانگەی شەرەفخانی مێژوونووسەوە

3. کورد لە گوتاری سیاسەتمەدارانی تورکەوە

4.گوتاری رۆشنبیرانی نەسڵی یەکەمی ئێرانی

5.گوتاری رۆشنبیرانی نەسڵی دووەمی ئێرانی

6.خوێندنەوەی ئەندیشە و بەرهەمەکانی جەواد تەباتەبایی

7.کورستانی سوور، خوێندنەوەی کتێبێ کوردەکانی پشت قەفقاز

Esmahi Mahmwdi 1


ئەم بابەتە 32 جار خوێندراوەتەوە