Nazand.jpg

نامەکانی سەردەمی تەم

نه‌زه‌ند به‌گیخانى

تەم چواردەوری گرتووم

لە بروکسل لەسەر مێزی دانوستان

من تەنێکم لە قوربانی

پێستم پەڕ بە پەڕ هەڵدەدەنەوە

سەرم ئەنفال و

پشتم شنگال و

دەستەکانم کۆبانێ و

ناوقەدم دەرسیم

سییەکانم پڕن لە گازی کیمیایی

بە بێدەنگی جەستەم کەوڵ دەکەن

بەدەم سەربادانەوە

مەلۆتکەی مەرگ لە رەحمم دەژمێرن

لەم زەمەنی تەمە

کێ باوەڕ بەو هەموو جوانەمەرگییە دەکات؟

 

بەشێک لە نامەکانی سەردەمی تەم

ژێدەر: پیاسەیەك لەگەڵ جۆندۆن.


ئەم بابەتە 109 جار خوێندراوەتەوە