BaxtyarAli.jpg

جەمشید خانی مامم بە زمانی ئەڵمانی

ڕۆمانی "جەمشید خانی مامم کە هەمیشە با لەگەڵ خۆیدا دەیبرد" لە لایەنی بنکەی چاپی یونیۆنس فێرلاگەوە بڵاودەکرێتەوە.

ئەم ڕۆمانە لە وەرگێڕانی "ڕاوێژ سەلیم و ئوتە کانتێرا لانگ" ـە. ئەم ڕۆمانە پێشتر کراوە بە "کرمانجی، فارسی، عەرەبی".

ئەمە چوارهەمین ڕۆمانی نوسەر (به‌ختیار عه‌لى)ە کە بەزمانی ئەڵمانی بڵاودەبێتەوە. پێشتر هەر یەک لە "دواهەمین هەناری دونیا" "شاری مۆسیقارە سپییەکان" "ئێوارەی پەروانە" لە لایەن یونیۆنس فێرلاگی سویسرییەوە بڵاوکراونەتەوە.

شایەنی باسە یونیۆنس فێرلاگ یەکێکە لەو نەشرە ناودارانەی لە زمانی ئەڵمانیدا بنکەی ژمارەیەک نوسەری جیهانی گەورە بووە، لەوانە "مو یان، لیۆناردۆ پادۆرا، جەنگیز ئیتماتۆڤ، ئاسیا جەبار، یەشار کەمال، نەجیب مەحفوز و چەندانی تر".
پەیجی فەرمی بەختیار عەلی دەربارەی بڵاوبونەوەی ڕۆمانەكە دەنووسێت:

چوار ڕۆژی دی و لە 23 ی 8 دا، ڕۆمانی «جەمشید خانی مامم، کە هەمیشە با لەگەڵ خۆیدا دەیبرد» بە زمانی ئەڵمانی بڵاودەکرێتەوە. لە هەفتەی داهاتووەوە کتێبەکە لە زۆربەی کتێبفرۆشییە سەرەکییەکان لە ئەڵمانیا و سویسرا و نەمسا لە بەردەستدا دەبێت. ڕەخنەگری ناسراو خانمی «ئەنجیلا شادەر» کە زیاد لە بیست ساڵ بەرپرسی بەشی ئەدەبیاتی ڕۆژنامەی «نیوزیورخیشە تزایتونگ NZZ» بوو، بە یەکێک لە دایکانی ڕەخنەی ئەدەبی سویسری دەزانرێت، ئەمڕۆ بە وتارێکی درێژ پێشوازی لە دەرچوونی ڕۆمانەکە کردوە.

وتارەکە بە ناوی «شانۆیەکی فەنتازی بۆ بەتاڵکردنەوەی وەهم» ـە. خوێنەرانی ئەڵمانی دەتوانن كلیك لێره‌ بكه‌ن بۆ خوێندنه‌وه‌ى.

 


ئەم بابەتە 80 جار خوێندراوەتەوە