241153980_4310806269040592_197050345335100209_n_(1).jpg

کۆنفرانسی لوتکەی روناکبیری گەیشتە کۆتایی


 
ئەمڕۆ 2021/9/5 (كۆنفرانسی لوتكەی ڕوناكبیری) بەدروشمی (بەیەكەوە بەرەو بزوتنەوەی روناكبیریی و رۆشنگەریی هاوچەرخ) كۆتا ڕۆژی خۆی بەڕێكرد و تیایدا بە سێ پانێڵ و بە بەشداری كۆمەڵێك نووسەر و لێكۆڵەری كورد و عەرەب كارەكە گەیشتە كۆتایی.

لە کۆتا ڕۆژی کۆنفرانسدا گفتوگۆی چر لەلایەن نوسەران و هونەرمەندانەوە دەربارەی گرنگی ئەو پەیوەندییە کلتورییەی نێوان ڕۆشنبیرانی کورد و عەرەب کراو باس لە کێشەو گرفتەکان کرا.

لە دەستپێکی ڕۆژی دووەمدا دیبەیتی (مەلا بەختیار و د. عەبدولحسێن شەعبان) بەڕێوەچوو. تیایدا جەختیان لە گرنگی کاری هاوبەش و ئەو گرفتە هەمیشەییانەکرد کە لەبەردەم کاری ڕۆشنبیری و ڕۆشنگەریدا ئامادەییان هەیە.

پاشان د. (موعتەز عناد غەزران) جێگری سەرۆکی کۆمەڵەی عێراقی بۆ پاڵپشتی روناکبیری دەربارەی ڕۆڵی روناکبیریی و رۆشنگەریی و ڕۆڵیان لە بونیادنانی مرۆڤدا بابەتێکی پێشکەشکرد و تیایدا دەربارەی ئەو ڕۆڵە مێژووییە دوا کە ڕوناکبیران دژ بە تاریکی فکری ئاینی گێڕاویانە. 

هەر لە پانێڵی سێیەمدا و کۆتا پانێڵ لەلایەن د.(نەرمین مەعروف غەفور) ەوە راگری کۆلێژی بازرگانی زانکۆی سلێمانی قسە دەربارەی گرنگی ڕۆڵی ڕۆشنبیرکرا لە پتەوکردنی شوناسی روناکبیریدا. 


ئەم کۆنفرانسە کە بە هاوبەشی بنکەی روناکبیریی گەلاوێژ و کۆنگرەی لوتکەی روناکبیری رێکخرابوو، ئەمڕۆ ٢٠٢١/٩/٥ بەسەرکەوتوی گەیشتە کۆتایی. 

 


ئەم بابەتە 113 جار خوێندراوەتەوە