257794223_4806962622657663_3763925484180246156_n.jpg

کتێبی ئیسلام و نوێگەری

ئیسلام و نوێگەری کتێبێکی نووسەر و بیرمەند "محەمەد ئەرکۆن" ە و لەلایەن نووسەر و وەرگێڕ "شوان ئەحمەد"ەوە کراوە بەکوردی و وابڕیارە لەماوەی ئایندەدا چاپ و بڵاو بکرێتەوە. 
دەربارەی ئەرکۆن و دونیای هزری ئەو وەرگێڕ دەنووسێت: 

وەک بیرمەند و مێژوونوسێکی هزری ئیسلامی و هاوکات وەک ژێدەر و دامەزرێنەری ئیسلامۆلۆژی پراکتیکی، محەمەد ئەرکۆن نیو سەدە زیاتری تەمەنی خۆی لەکایەی ڕەخنەکردنی کەلەپووری ئیسلامیدا بەڕێکرد.
ئەو توانی لە ئەکادیمیای خۆرئاواو بەتایبەتیش لەناوەندە زانستی و فەرهەنگییەکانی پاریسدا، شێلگیرانەو بەڕوانگەیەکی ڕەخنەگرانەوە، گەشتێکی ورد و پانۆرامی بەمێژووی کۆن و نوێی ئیسلامدا (وەک ئاینێکی تاکخوایی) بکات و لەو سەفەرەشیدا وەک توێژەرێکی خۆ بەپرسزان، بەکۆمەڵێک دەرەنجامی زانستی گرنگ بگات.
پرسی ترادسیۆن و مۆدێرنە یاخود ئیسلام و نوێگەری، یەکێک بووە لەو تەوەرە گرنگ و هەنووکەییانەی ئەرکۆن لە بەشێکی زۆری نووسین و لێکۆڵینەوە فیکری و بەرهەمە بێشومارەکانیدا، لەسەری وەستاوەو ئاوڕی جیدی لێداوەتەوە. لەم بەرهەمەشیدا دەکارێت جارێکی دی و هەمەلایەنتر، قسە لەو پرسە گرنگ و کێشەدارە بکات.

ئەم کتێبە وابڕیارە لەساڵی نوێدا چاپ و بڵاوبکرێتەوە. 


ئەم بابەتە 59 جار خوێندراوەتەوە