viber_image_2021-10-21_03-28-26-974.jpg

ئایا فیلم بیردەكاتەوە؟ ئەو پرسیارە لە كۆڕێكی گەلاوێژ وەڵام دەدرێتەوە

 

بنكەی ڕوناكبیری گەلاوێژ سەر بە تۆڕی ناوەندی ڕۆشنگەری چاودێر، كۆڕێك بەناونیشانی "ئایا فیلم بیردەكاتەوە؟" بۆ پرۆفیسۆری یاریدەدەر د.دڵشاد مستەفا ڕێكدەخات.
 
كۆڕەكە ڕۆژی شەممە 23/10/2021 كاتژمێر سێ و نیوی پاشنیوەڕۆ لە هۆڵی شەهید ئازاد هەورامی لە تۆڕی ناوەندی ڕۆشنگەری چاودێر بەڕێوەدەچێت.
 
د.دڵشاد مستەفا دكتۆرای لە فیلمسازی لە بەریتانیا بەدەستهێناوە، چوار كتێبی دەقی شانۆیی بڵاوكردووەتەوە، بەشداری دەیان كۆنفرانس و فێستیڤاڵی لەناوەوە و دەرەوەی كوردستان كردووە.
 
ژمارەیەكی بەرچاو توێژینەوە و وتاری لە گۆڤار و ڕۆژنامەكان بڵاوكردووەتەوە.
 
بنكەی ڕوناكبیریی گەلاوێژ وەك سەكۆیەكی ئازاد و ناوەندێكی ژیاریی، هەمیشە دەروازەی هاتنە ناو داهێنانی قەڵەم و سەرجەم بەهرە ئازادەكان بووە و هەرواش دەمێنێتەوە، درەوشانەوەی بەردەوامی ڕوناكبیریی و گەشانەوەی هزرە ڕۆشنگەرەكان ئەركی هەمیشەیی دەبێت.


ئەم بابەتە 83 جار خوێندراوەتەوە