267030662_253268590207010_5353400107425619395_n.jpg

زنجیرەی پەنجاهەم. دەربارەی نووسەران لەمێژووی شانۆدا.

چۆمان حەمە تەقیەدینی

لێرەوە زنجیرەیەکی مێژووی شانۆ دەستپێدەکەین، کە بریتی دەبێت لە ژیان نامەی هەوەڵین نووسەر و ئەکتەرە مێژوویەکانی بواری شانۆ و کارکردن دەبێت لەو ڕوبەرە فراوان و دێرینەی یۆناندا کە لە پاشمانەوە جێماوە و لە ئێستاشماندا ئامادەیی هەیە. نووسەر و ئامادەکاری ئەم زنجیرەیە بەڕێز چۆمان ە و ئەم زنجیرەیە تایبەتە بە سایتی گەڵاوێژ بەشی شانۆ.

 

فیلیللیوس کێ بووە؟

گریکییە دێرینەکان ، یەکێک بوون لەو نەتەوە کۆنانەی کە جێ دەستیان دیارە لە مێژووی شارستانیەتی جیهانی دێرین دا ، و لە ناو شارستانیەتی گریک (یۆنان)ییە کۆنەکان ، خەڵکی دەوڵەتە شاری ئەسینا پشکی شێریان بەر دەکەوێت ، و لە ناو خەڵکی دەوڵەتە شاری ئەسینا گەلێک زانا و فەیلەسوف و ڕەوانبێژ و نووسەر و هونەرمەند دەرکەوتون ، کە توانیویانە ڕێڕەوەی مێژووی مرۆڤایەتی بگۆڕن لە هەموو بوارەکاندا ، و هەروەها دەوڵەتە شارەکانی تری شارستانیەتی گریکییە کۆنەکان ، هەر یەکەیان بە نۆرەی خۆی دەوری هەبووە لە پێشخستنی شارستانیەتی یۆنانییە پێشینەکان.

 ئەسیناییەکان دەستێکی باڵا و دیاریان هەبووە ، و یەکێک لەو بوارانە کە تیایدا پێشەنگ بوون هونەری شانۆ بووە ، و لە پاڵ  ئەسیناییەکان دا ، و خەڵکی ناوچەکانی تری وڵاتی گریکییە دێرینەکان ، دەوریان هەبووە  لە پێشکەوتنی شارستانیەتی یۆنانییە پێشینەکان ، زۆرینەی سەرچاوەکان باس لەوە دەکەن ، کە گریکییە دێرینەکان بە گشتی ، و هەروەها دەوڵەتە شاری ئەسینا بە تایبەتی بە داهێنەری هونەری شانۆ دادەنرێت لە مێژووی دێرینی مرۆڤایەتیدا.

بنچینەی هونەری شانۆ لە ناو شارستانیەتی گریکییە دێرینەکان ، دەگەڕێتەوە بۆ ئاهەنگ و بۆنە دینییەکان کە لە دەوڵەتە شارە جیاوازەکانی وڵاتی  یۆنان ساز دەکران ، کە ئەو ئاهەنگ و بۆنانە لە دەوری خواوەند (دیۆنیسس) یان (باخۆس) ئەسورایەوە ، کە ئەو خواوەندە یەکێک لە خواوەندە نیشتەجێ بووەکانی چیای ئۆلیمپوس ، کە لە پارێزگای پێیریا لە هەرێمی مەکدۆنیای ناوەندی سەر بە وڵاتی  گریک (یۆنان) ی ئێستە هەڵکەوتووە ، خواوەند (دیۆنیسس) یان (باخۆس)  خواوەندی بەروبووم و داری مێوە بووە ، و هەروەها دواتر ئەو هونەرە واتا هونەری شانۆ لە گریکییە پێشینەکانەوە ، چووە ناو شارستانیەتەکانی تر ، وەکو میسری دێرین ، و میزیۆپامیا (دوو ڕووبارەکە)_کوردستانی کۆن ، و ڕۆمای کۆن ، و ڕووسیا.

ژیاننامەی فیلیللیوس

فیلیللیوس ، بە پێی زۆرینەی سەرچاوە مێژووییەکانی دێرین ، کە دەربارەی مێژووی هونەری شانۆ نووسراوەن ، بە یەکێک نووسەرانی شانۆ دادەنرێت لە مێژووی هونەری شانۆی کۆمیدی دا ، و بە یەکێک لە هەرە نووسەرە گرنگەکانی هونەری کۆمیدی شارستانیەتی گریکی کۆن دادەنرێت ،  کە توانیویەتی هونەری شانۆ پێش بخات و داهێناێکی گەورەی تێدا کردووە ، و هەروەها فیلیللیوس بە یەکێک لە شاعیرانی کۆمیدی شارستانیەتی یۆنانی کۆن و مرۆڤایەتی.

فیلیللیوس ، ئەوەیش وەکو زۆربەی شاعیرانی سەردەمەکەی نەزانراوە لە ساڵی چەندی سەدەی چوارەمی پێش زایین لە دایک بووە ، و بەڵام ئەوە زانراوە  لە خێزانێکی خانەدان و ناودار لە شاری ئەسینای پایتەختی وڵاتی گریك ،  لە هەرێمی ئایتکای سەر بە وڵاتی یۆنان لە دایک بووە ، و خەڵکی دەوڵەتە شاری ئەسینایە ، و تەواوی زۆری ژیانی لە شاری ئەسینا بە سەر بردووە ، و ئەمەیش لە تەمەنێکی گەنجی دا دەستی کردووە بە نووسینی شیعر و شانۆنامە.

فیلیللیوس ، هاو سەردەمی هەر یەکێکە لە شانۆ نامە نووسەکانی ، وەکو: سبيس و پۆلیفراسمۆن و فرینیچوس و خەنوکلیس و کریتیاس و ئاریستۆفانێس و سۆفۆکلێس و ئەیۆن خیۆسی و ئەسخیلیۆس (ئەسکیلیۆس) و یوفۆریۆن و ئیپسیچارموس و کراتینوس و چۆیریلوس و فۆرمیوس و سوساریۆن و یۆریپیدێس و فرینیچوس ئەسینی و کراتیس و فیریکراتیس و پراتیناس و فیلۆکلیس و ساننیریۆس و ثیۆمیوس و هیگیمۆن و هەرمیپپوس و میاگنیس و پلاتۆ و میتاگینیس و نیچۆماچوس و ئامییپسیاس و ئاپۆللۆفانیس و ئاریستاچوس و ئاوتۆکراتیس و چیۆنیدیس و ئاگاثۆن و ئاچایۆسی سیراکۆسی و ئالکاریوس و ئامفیس و ئافاریوس و چایریمۆن و کلیۆفۆن و ئیپکراتیس و ئیوبولوس و گەلێک شانۆنامە نووسی تر بووە.

فیلیللیوس ، هەر وەکو ئەوانی تر واتا هەر وەکو شانۆنامە نووسەکانی هاو پیشەی دەورێکی کاریگەری لە بەرەو پێش بردنی شارستانیەتی گریک (یۆنان) ی ئەو کاتە بە گشتی ، و هونەری شانۆیی یۆنانییە کۆنەکان بە تایبەتی هەبووە ، و ئەمیش هەر وەکو شاعیرە کۆمیدییەکانی ئەو سەردەمەی یۆنانی کۆن بە شێوەێکی گاڵتەئامێزانە ڕەخنەی ئاڕاستەی دیاردە ناشیرین و دزێوەکانی ناو کۆمەڵگەی ئەوکاتەی ئەسینی بە تایبەتی و کۆمەڵگەی دێرینی گریکی بە گشتی نووسیووە ، و هەروەها لە یەکێک لە دەقە شانۆییەکانی بە ناوی کارەکتەری ئاکلیسیاسۆسای ئاریستۆفانێس ، گاڵتەی ئاریستۆفانێسی شانۆنامە نووس کردووە ، و فیلیللیوس ئەمیش هەر وەکو ئەمانەی تر دەستێکی باڵا و مەزنی لە بەرەو پێشبردنی شارستانیەتی گریک (یۆنان) ی ئەو کاتە بە گشتی ، و هونەری شانۆیی یۆنانییە کۆنەکان بە تایبەتی هەبووە ، و فیلیللیوس هەموو ناونیشانەکانی دەقە شانوییەلانی  بە ئاشکرا هی کۆمیدی ناوەڕاستن کە س بە سەردەمی زێرینی کۆمیدیای یۆنانی دێرین دائەنرێت ، و هەروەها ئەوترێت کە هەندێک داهێنانی جوانی داهێناوە ، وەکو بەکارهێنانی مەشخەڵی ڕووناککەرەوە لە سەر تەختی شانۆ ، و سەبارەت بە زمانەکەی کە دەقە شانۆییەکانی پێ نووسیووە ، نووسەر ئۆگوستوس میناکی چەند وشە و دەستەواژەیەک لە دەقە شانۆییەکانی باس ئەکات ، کە ئەتیکی پاک نین.

فیلیللیوس ، ئەمیش هەر وەکو شاعیرانی هاو دەمی خۆی ، لە سەردەمی جەنگی پیلۆپۆنیزی ژیاوە کە جەنگی پیلۆپۆنیزی لە نێوان ساڵانی (404_431پ.ز) دا بووە ، کە ئەو جەنگە لە نێوان یەکێتی فیدڕاڵی دیلیان بە سەرکردایەتی دەوڵەتە شاری ئەسینای گریک (یۆنان) ی دێرین ، و یەکێتی یان ڕابیتەی پیلۆپۆنیزی بە سەرکردایەتی دەوڵەتە شاری ئەسپارتای گریک (یۆنان) ی دێرین بووە ، کە سەر ئەنجام بە سەرکەوتنی یەکێتی یان ڕابیتەی پیلۆپۆنیزی بە سەرکردایەتی دەوڵەتە شاری ئەسپارتا و شکستی یەکێتی فیدڕاڵی دیلیان بە سەرکردایەتی دەوڵەتە شاری ئەسینا کۆتایی هات.

بەرهەمە شانۆییەکانییەکانی فیلیللیوس

فیلیللیوس ، ئەمیش لە ماوەی ژیانی دا وەکو شاعیر و شانۆ نامەنووس ، چەندان بەرهەمی شانۆیی نووسیووە ، کە بەرهەمە شانۆییەکانی بە دەیان دەقی شانۆیی بوون ، بەڵام بە داخەوە سەرجەم بەرهەمەکانی فەوتاون و بە دەست ئارەزوومەندەکانی بواری شانۆ نەیگەیشتوون ، واتا بە تەواوی بەرهەمە شانۆییەکانی فەوتاوە ، و هەروەها بە پێی ئینسایکڵۆپیدیای سودا کە ئینسایکڵۆپیدیای ناودار و پڕ زانیاری سەردەمی دەسەڵاتداری ئیمپراتۆریای بێزنتییه‌کان بووە و لە سەدەی دەی زایینی ، لە لایەن نووسەری بێزنتی (سودس)ەوە نووسراوە و هەروەها بە پێی قسەی نووسەر ئەودۆکیا ، نزیکەیی  دەیان دەقی شانۆیی نووسیووە ، و بەڵام دەقەکانیان بە تەواوی فەوتاوە ، کە تەنها ناونشانی (10) دەقی بە تەواوی زانراوە ، بەڵام ناوەرۆکەکەیان فەوتاوە کە ئەوەش ناونیشانەکانیانە ، ئەمانەن: ئایگیوس ، ئۆگی ، ئەنتییا ، دۆدایکات (ژنی دوازدەیەم) ، هیراکلس (هیرکولس) ، پلۆنتریا یان ناوسیکا ، پۆلس (شار) ، فۆرێخۆس (چاڵە چاڵەکە) ، ئاتالانتێ ، هێلێن.

فیلیللیوس لە زۆربەی زۆری فێستیڤاڵەکانی تەواوی وڵاتی یۆنانی ئەو کاتە ، هەر وەکو شانۆنامە نووسەکانی هاو سەردەمەکەی بە دەقە شانۆییەکانی بەشداری کردووە ، و نزیکەیی چەندین  جار خەڵاتی لێژنەی دادوەرانی فێستیڤاڵەکانی بە دەست هێناوە ، لەوانە فێستیڤاڵەکانی پەرستگای خواوەند دیۆنیسس ، کە بە شاری دیۆنیسیا ناسراو بوو بەشداری کردووە ، کە توانیویەتی چەندین جار خەڵاتی لێژنەی دادوەرانی فێستیڤاڵی بە دەست هێنێت ، و هەروەها چەندین جار بەشداری لە فێستیڤاڵی لینای ئەسینا کردووە ، کە توانیویەتی چەندین جار خەڵاتی لێژنەی دادوەرانی فێستیڤاڵی بە دەست هێنێت.

کۆچی دوایی فیلیللیوس

فیلیللیوس ، نەزانراوە لە ساڵی چەندی سەدەی چواری پێش زایین ، لە تەمەنی چەند ساڵی دا  کۆچی دوایی کردووە ، و بەڵام زانراوە هەر لە شاری ئەسینای پایتەختی وڵاتی گریك ،  لە هەرێمی ئایتکای سەر بە وڵاتی یۆنان کۆچی دوایی کردووە ، و هەر لەوێش ئەسپەردەی خاک کراوە.

 

سه‌رچاوه‌کان

1_یاسین سابرساڵح: ئینسایکڵۆپیدیای گشتی-سلێمانی2005ز.

2_بهنام محەمەد پناه: نهێنییەکانی شارستانیەتی یۆنانی کۆن-وە: زاهیر محەمەد ڕەشید-سلێمانی2008ز.

_3پ . د. جڤری برۆن: پوختەی مێژووی ئەوروپا- وە: نیهاد جەلال حبیب اللە-سلێمانی2009ز

4_ویل دورانت: مێژووی شارستانیەت/ بەرگی چوارەم-وە: عەبدوڵڵا رەسووڵی-سلێمانی2014ز.

5_لوتفی عوبدولوەهاب یەحیا: یۆنان ، سەرەتایەک لە مێژووی شارستانییدا-وە: د . سەنگەر حاجی-هەولێر2014ز.

6_ئێریک ئریکسۆن: میتۆلۆجیای یۆنانی-وە: کەریم مستەفا-سلێمانی2020ز.


ئەم بابەتە 103 جار خوێندراوەتەوە