dsa.jpg

دكتۆر موحسين ئەحمەد عومەر لە سێ كاري مێژووييدا

د. سەروەر عەبدولڵا / بەرلین

((وەر گێڕاني (مەنفا و مەملەكەت) و (بێگانە) و (زەماوەندو هاوين)ى ئەلبيركامي))

يەكێك لەوانەي هەميشە جێگەي سەرنجي نووسەر و لێكۆلەراني جيددي بووە، دكتۆر موحسين ئەحمەد عومەري شارەزا و ئەديب و بيرمەندە، كە شانازييە بۆ ناوەندي ئەدەبي كوردي، كارەكاني ئەو وەك ميداليا بە بەرۆكي ئەدەبي كوردييەوە بێت، لە بواري وەرگێڕانەكانيشدا ئەوا ئەم ناوە ديارە هەر تەنها چالاك و كارا نييە بەڵكوو كەسێكە تێكستەكان جارێكي ديكە لە نێو داهێنان و ئەفراندنێكي تازەدا دادەڕێژێتەوە.
لە دەم ئەوانەي فرەنسي زانن، دەڵێن دكتور موحسين ئەحمەد ئەو ئەديبەيە لە وەرگێرانەكانيدا ئەوەندە بالادەستە، وا دەكات تێكست لە زماني دووەميدا سەربەخۆيي خۆي هەبێت بە شێوەيەك خوێنەر ناكەوێتە بەر دەم تێكستي دووەم، بەڵكو هەر لە بەر دەستوداماني تێكستەكەي يەكەمە، ڕەنگە بە جوانييەكي زێدەتريش، ئەوانەي د. موحسينيش وەك لێكۆلەر دەناسن كە بە شانازييەوە من يەكيكم لەوان، ئەوا هزر و هونەر لە كارەكاني ئەم مرۆفە بەرزە لە يەك ئاستي بەرزدا دەپشكون و بەيەك هاوسەنگيدا لە نێو داڕشتەي نووسين بالا هەڵدەن و دەدرەوشێنەوە، ئەمەش حاڵتێكە لەپێشينەي زۆر دەگمەن بووە، ئەم كتێبانەي ئەلبيركامي (مەنفا و مەملەكەت) و (بێگانە) و (زەماوەندو هاوين) بە زماني كوردي و بەيەك كەرەت لە بازاري كتێبي كوردي وەك خەونێكي ئەدەبييە، بۆ غەزەلنووسيش جێگەي شانازييەكي مێژوويييە دەستپێخەر بێت لە گەياندني ئەم شاكارانە بە خوێنەري تێكستي كوردي.
من لە دڵەوە، لە قوڵاييمەوە، پيرۆزبايي لە بيرمەند و ئەديب و نووسەري بە بڕشت د. موحسين ئەحمەد عومەر دەكەم لەم كارە مێژووييەيدا، دەستخۆشي زۆري لێدەكەم، هيوامان ئەوەيە لە وەرگێڕاني ديكەش بێبەشمان نەكات.


ئەم بابەتە 105 جار خوێندراوەتەوە