ئەم بابەتە پۆلێنکراوە لە پیتی: (ئـ)
Aug 19, 2020

ئازاد خانەقینی


- ناوى ته‌واوى: ئازاد وەھاب عەبدولڕحمان

- پیشه‌ى هونه‌رى: گۆرانیبێژ

- لە ساڵی 1958 لە گەڕەکی پاڵاوتگەی شاری  خانه‌قین لە دایکبووە.

- لە ساڵی 1980 بووه‌ به‌ پێشمه‌رگه‌.

- له‌ ژیانى پێشمه‌رگایه‌تیدا چه‌ندین گۆرانی شۆڕشگى و نەتەوەیی وتوه‌.

- قۆناغەكانی خوێندنی سەرەتایی‌ و ناوەندی لە خانەقین‌ ته‌واوكردووه‌.

- خوێندنى ئامادەیی كشتوكاڵی لەقەزای خاڵس تەواو كردووە.

- له‌ رۆژى 1/5/1971 له‌ ته‌مه‌نى (13) ساڵى بۆیەكەمجار وەك كۆرس بەشداری ئاهەنگێكی گۆرانی لە كۆمپانیای نەوتی خانەقین كردووە.

- له‌ ساڵی 1979 لەگەڵ ژمارەیەك هاوڕێیدا تیپی مۆسیقای خانەقینیان دامەزراند‌وه‌.

-  بەهۆی دەركردنی كاسێتێكی گۆرانی بەزمانی كوردی لەلایەن دەزگا ئەمنیەكانی بەعسەوە تووشی گرتن‌ و راونان بونەوە

- له‌ ساڵی 1980 پەیوەندی بەهێزی پێشمەرگەی كوردستان كرد‌ه‌.

- لەگوندی توژەڵە بووە به‌ ئەندامی تیپی مۆسیقای شەهید كارزان.

- جگه‌ له‌كارى هونه‌رى وه‌كو پێشكه‌شكاریش له‌ رادیۆی گەلی کوردستان كارى كردووه‌.

- لە ساڵى 1991 له‌ دوای راپەرین بەردەوام بووه‌ لەكاری راگەیاندن ‌و هونەری لەهەردوو بواردا خزمەتی كردووه‌.

- لەبواری دۆكیومێنتكردنی مێژووی راگەیاندنی یەكێتیی نیشتمانیی كوردستاندا شوێن پەنجەی دیار بوە ‌و ئەو مێژووەی لەساڵانی (1975-1991) لەچوارچێوەی كتێبێكدا بەناوی (مادێنا، مێژوو و بیبلۆگرافیای راگەیاندنی یەكێتیی نیشتمانیی كوردستان) نوسی‌ و بڵاویكردەوە.

- لە رۆژی 1/5/2006 له‌ ته‌مه‌نى (48) له‌ شارى سلێمانى كۆچى دوایى كردووه‌ و له‌ گۆڕستانى شه‌هیدان له‌ سلێمانى به‌خاكسپێردراوه‌.

- له ‌ئێواره‌ى رۆژى سێشه‌ممه‌ 15/8/2020 له‌ شارى خانه‌قین لە مەراسیمیکى شایسته‌دا به‌ ئامادەبوونی هونەرمەندان و ڕۆشنبیران و نووسەران و كه‌س و كارى هونه‌رمه‌ند، پەردە لەسەر پەیکەری لادرا.