ئەم بابەتە پۆلێنکراوە لە پیتی: (ت)
Oct 14, 2020

تاهیر بەگی جاف


- ناوى ته‌واوى: تاهیر وەسمان حەمە پاشا کەیخوسرەو بەگی جاف.

- پیشه‌ى ئه‌ده‌بى: شاعیر

- له‌ ساڵى 1875 له‌ شارى هه‌ڵه‌بجه‌ له‌ دایكبووه‌.

- برای  ئه‌حمه‌د موختار جاف و كوڕى عادیله‌ خانم قادر بەگی ساحێبقڕان بووه‌.

- له‌ ساڵى 1882 له‌ ته‌مه‌نى (7) ساڵى لە شارى ھەڵەبجە خراوەتە بەر خوێندن.

- زمانه‌كانى تورکی، عەرەبی و فارسی زانیوه‌.

- مێجه‌رسۆن بەناوی (غولام حسێنی شیرازی) لە ماڵه‌كه‌ى ئه‌ودا خۆى كردبوو به‌خزمه‌تكار

- چەند ساڵێك پێش دەستپێکردنی جەنگی یەکەمی جیھانی بۆى ده‌ركه‌وتبوو، كه‌ مێجه‌رسۆن ئینگلیزە، بۆیه‌ داواى لێكردووه‌ به‌زوترین کات ناوچەکە جێ‌ بھێڵێ‌.

- کاتێک باوکی لە ژیاندا بووە، داوای لێكردووه‌ ببێتە حوکمداری شارۆچکەی (سەید سادق)، بەڵام بەوە ڕازی نەبووە و ڕەتیکردۆتەوە.

- له‌ دیوه‌خانى خۆیاندا کۆڕی شیعری و ئەدەبی سازکردووە و شاعیر و ئەدیبانی ئەوسەردەمەی كۆكردونه‌ته‌وه‌.

- ئەگەرچی شیعرەکانی کەمن بەڵام كاریگه‌رن و تاكو ئێستاكه‌ ده‌وترێنه‌وه‌.

- خاوه‌نى دیوانێكى شیعریه‌ به‌ناوى تاهیر بەگی جاف شاعیرى دڵ ته‌ڕو شیرین زمان له‌ کۆکردنەوەو ئامادەکردنی (حسێن گۆران).

- له‌ ساڵى 1918 له‌ ته‌مه‌نى (43) ساڵى له‌ شارى هه‌ڵه‌بجه‌ كۆچى دوایى كردووه‌ و له‌ گوندى عه‌بابه‌یلێ بەخاکسپێردراوه‌.