ئەم بابەتە پۆلێنکراوە لە پیتی: (م)
Nov 23, 2020

ماهیر حەسەن


- ناوی تەواوی: ماهیر حەسەن رەشید.

- پیشه‌ى هونه‌رى: ئه‌كته‌ر و سیناریۆنوس.

- لە رۆژى 10/1/1965 لە شارۆچکەی عەربەتی شاری سلێمانی لەدایکبووە.

- خوێندنی سەرەتایی و ناوەندی و ئامادەیی لە شارى سلێمانی تەواوکردووە.

- لە ساڵی 1979 لە ڕێی چالاکی خوێندنگاكان به‌شدارى له‌ کاری ھونەریدا کردووە.

- لە ساڵی 1981 چووەتە پەیمانگای ھونەرە جوانەکانى سلێمانی.

- له‌ ساڵى 1985 به‌شى شانۆى له‌ پەیمانگای ھونەرە جوانەکانى سلێمانی ته‌واو كردووه‌.

- لە ساڵى 1985 خەڵاتى ڕێزلێنانی باشترین ئەکتەرى وەرگرتووە.

- لە ساڵی 1988 ژیانى هاوسه‌رى لەگەڵ خاتوو (منیرە) پێکھێناوە و باوكى  دوو کوڕ و دوو کچە بە ناوەکانی (کادێر، کۆدیار، کۆشەن و ئانیا).

- لە ساڵی 1988بەرنامەی ھەمەرەنگی ھەبووە، هه‌ر له‌ رێگه‌ى ئه‌و به‌رنامه‌یه‌وه‌ زیاتر ناوبانگى دەرکردووە.

- یەکەم بەرھەمی شانۆگەریی (چینی چاوی چەوساوەی کرێکاران بە دەستی ئاغا و دەرەبەگدا) بووە.

- بە هۆى کارە هونەرییەکانى لە بەرنامەى کەشکۆل زیاتر ناوبانگى دەرکردووە.

- - خەونى هەر گەورەى ئەوەیە رۆژى لە رۆژان خەڵاتى ئۆسکار بەدەستبهێنێت.