ئەم بابەتە پۆلێنکراوە لە پیتی: (ن)

Sep 18, 2019

- ناوى تەواوى: نازک صادق ئەلمەلائکە.

- پیشە: شاعیر و ئه‌كادیمیستى عێراقى

- لە رۆژى 23/8/1923 لە شارى بەغدا لە خێزانێکى رۆشنبیر لە دایکبووە.

- کاریگەرى دایکى زۆر بەسەریەوە هەبووە، چونکە دایکیشى شاعیر بووە و شیعرى لە رۆژنامە و گۆڤارەکانى ئەو سەردەمەى عێراق بڵاوکردۆتەوە.

- لە ساڵى 1944 پەیمانگاى مەڵبەندى مامۆستایانى تەواوکردووە.

- لە ساڵى 1947 یەکەمین کتێبى خۆى دەربارەى شیعرى ئازاد (حر) نووسیووە، کە بەراوردى نێوان شیعرەکانى بەدر شاکر سەیاب و هاوڕێکانى (شازل تاقە و عەبدولوەهاب بەیاتى) کردووە.

- لە ساڵى 1949 بەشى موزیکى پەیمانگاى هونەرە جوانەکانى تەواو کردووە.

- لە ساڵى 1959 بڕوانامەى ماستەرى لە ئەدەبى بەراوردکارى لە زانکۆى ویسکونسن – مادیسۆن (University of Wisconsin–Madison) لە ئەمەریکا بەدەستهێناوە.

- مامۆستاى زانکۆ بووە لە زانکۆکانى بەغدا، بەسرەو کوێت.

- خوێندنى موزیک و زمانەکانى لاتینى و ئینگلیزى و فەڕەنسى لە ئەمەریکا خوێندووە.

- بۆ ماوەى یەک ساڵ لە شارى بەیروت ژیاوە.

- خاوەنى چەندین خەڵاتى رێزلێنانە.

- خێزانى عەبدولهادى مەحبوبەیە، کە ئەکادیمست و مامۆستاى زانکۆ بووە و یەکەمین سەرۆکى زانکۆى بەسرە بوو لە نێوان ساڵانى 1964 بۆ 1968.

- لە ساڵى 1990 چووەتە شارى قاهیرەى پایتەختى میسر و لەوێ ژیاوە.

- لە رۆژى 20/6/2007 لە تەمەنى (83) ساڵى بە نەخۆشى لە شارى قاهیرە کۆچى دوایى کردووە و هەر لەوێ لە گۆڕستانى تایبەت بەخۆیان نێژراوە.