ئەم بابەتە پۆلێنکراوە لە پیتی: (ک)
Sep 18, 2019

کەژاڵ ئەحمەد


-  پیشه‌ى ئه‌ده‌بى: شاعیر

- لە ساڵى 1967 لە گەڕەکی تەپەی مەلا عەبدوڵڵا لە شارى کەرکوك لەدایکبووە.

- لە ساڵى 1972 لە تەمەنى (5) پێنج ساڵى لە شارى کەرکووک لەگەڵ خێزانەکەیدا هاتوونەتە شارى سلێمانى.

-  لەشارى سلێمانى خوێندن و چالاکییەکانی دەستپێکردووە.

-  لەسەرەتای ھەشتاکاندا چووتە رێزی کۆمەڵەی رەنجدەرانی کوردستان.

- لە ساڵی 1987 دەستی بەکاری شیعر کردووە.

- لە ساڵی 1992 بووەتە ڕۆژنامەنووس و کاری لە ڕۆژنامەی ئاڵای ئازادى کوردستانى نوێ کردووە.

- وەکو پێشکەشکار، لە کەناڵی ئاسمانی کوردسات بەرنامەیەکى بەناوى (لە ھەر باخەی ژنێک)ی پێشکەش کردووە.

- لە چەندین شار و شارۆچکەى هەرێمى کوردستان و دەرەوە کۆڕى شیعرى و سمینارى پێشکەشکردووە.

- شیعرەکانی وەرگێڕدراون بۆ زمانەکانی ئینگلیزی، عەرەبی، فارسی،  تورکی و نەرویجى.

- چەندین بەرهەمى چاپکراوى هەیە لەوانە:

- بەندەری بەرمۆدا، 1999.

- وتەکانی وتن، 1999.

- قاوەیەک لەگەڵ ئەودا، 1999.

- کتێبی ژن: کۆمەڵە وتار و لێکۆڵینەوە، دەزگای چاپ و پەخشی سەردەم بەچاپی گەیاندووە، 1999.

- ناسنامە بکوژەکان، چەند خوێندنەوەیەک بۆ ئینتیماو بەجیھانیی بوون) وەرگێڕان لە عەرەبییەوە بۆ کوردیی، نووسینی ئەمین مەعلوف، 2003.

- ئاوێنەم شکاند، 2004. 

- دیوانی کەژاڵ ئەحمەد، 2006.

- من دەبێت خۆم بسمیلبکەم، 2014.

- زمانی باڵندەم دەزانی، 2019.