ئەم بابەتە پۆلێنکراوە لە پیتی: (ر)
Sep 25, 2019

رێبوار سیوەیلى


- ناوى تەواوى: رێبوار حەمەئەمین حەسەن.

- پیشە: نوسەر و ئه‌كادیمیست

- لە ساڵی 1968 لە گوندى (بارێى بچووک) لە دەڤەرى سیوەیلى شارباژێر لەدایکبووە.

- خوێندنی سەرەتایی و ناوەندی لە سلێمانى تەواوکردووە و چۆتە پەیمانگاى هونەرە جوانەکان و لە ساڵى 1985 لەگەڵ خانەوادەکەى دەربەدەدربووە.

لە ساڵى 1988 لە وڵاتى دانیمارک بووەتە پەنابەر، دواجار بۆتە هاووڵاتى ئەو وڵاتە.

- هەر لەدانیمارک دەستى بەخوێندنى دواناوەندى کردۆتەوە و لە زانکۆ وەرگیراوە.

- خوێندنى بەکالۆریۆسى لە ساڵى 1996 تەواو کردووە.

- ماستەرى لە ساڵى 2000 لەبوارى فەلسەفەدا لە زانکۆى (Roskilde) وەرگرتووە.

- لەساڵى 2000 گەڕاوەتەوە هەرێمى کوردستان و لە زانکۆى سەڵاحەددین وەک مامۆستا دامەزراوە.

- لە ساڵى 2007 بەشى فەلسەفەى لە زانکۆى سەڵاحەددین کردۆتەوە.

-  لەبوارى ڕەخنە و هزر و فەلسەفەدا تاکو ئێستاکە خاوەنى (28) بیست و هەشت بەرهەمى چاپکراوە.

-  لەبوارى بەرهەمى ئەدەبیدا تاکو ئێستاکە خاوەنى (6) شەش بەرهەمى چاپکراوە.

-  لەبوارى گفتوگۆ و هەڤپەیڤیندا تاکو ئێستاکە خاوەنى (2) دوو بەرهەمى چاپکراوە.

-  لەبوارى وەرگێڕاندا تاکو ئێستاکە خاوەنى (6) شەش بەرهەمى چاپکراوە.

- کۆى بەرهەمە چاپکراوەکانى گەیشتۆتە (42) چل و دوو بەرهەمى چاپکراو.