ئەم بابەتە پۆلێنکراوە لە پیتی: (س)

Oct 21, 2019

- لە ساڵی 1957 لە شاری بەعقوبە لەدایک بووە.

- رۆماننوس و چیرۆکنووسی ناوداری عێراقی.

- لە ساڵی 1980دا بەکالۆریۆسی لە کۆلێجی کارگێڕی و ئابوریدا بەدەست هێناوە.

- مامۆستای ئامادەیی بووە و وانەی ئابووری وتۆتەوە.

- ژمارەیەک کتێبی لە بوارەکانی چیرۆک و رۆمان و لێکۆڵینەوە و رەخنە چاپکردوە.

- بە رۆمانی (کوژرانی پیاوە کتێبفرۆشەکە) ناوبانگی دەرکردوە و لە ماوەی ساڵێکدا (10) جار چاپکراوەتەوە.

- بەرهەمەکانى بۆ چەندین زمان وەرگێردراون، لەناویشدا چەند بەرهەمێکى بۆ زمانى کوردى وەرگێڕدراون.

- لە ساڵى 2018 لە  بیست و یەکەمین فێستیڤاڵی روناکبیریی گەلاوێژ بەشدار بووە.

- لە رۆژى 6/4/2018 لە رۆژی دووەمی چالاکییەکانی فێستیڤاڵدا لە تەوەری (وەرگێڕانی ئەویدی لەرووی رۆشنبیرییەوە) بە بابەتێک بەشداریی کرد بەناونیشانی (وەرگێڕانی ئەویدی و ساتی ئامادەنەبوونی رۆشنگەری).

- لە رۆژی یەک شەممە 8/4/2018 لەکاتێکدا خۆی ئامادە کردبوو لە رێگەی فڕۆکەخانەی سلێمانییەوە بگەڕێتەوە بۆ شارى بەغدا بۆ ناو کەس و کارى، تەندروستیی تێکدەچێت و جەڵدەی دڵ لێیدەدات و رەوانەى نەخۆشخانە دەکرێت.

- کاژێر 10ی سەرلەبەیانی سەرلەبەیانی رۆژی دووشەممەی 9/4/2018 لة تەمەنى (61) ساڵى لە نەخۆشخانەی بووژانەوەی دڵ لە سلێمانی بە جەڵدەی دڵ کۆچی دوایی کرد.

- لە رێورەسمێکدا بە بەشداریی بنکەی روناکبیریی گەلاوێژو هەندێ‌ لە نووسەرانی تر و  کەسوکاری کۆچکردوو، تەرمەکەی گواسترایەوە بۆ زێدی خۆی.

چەند بەرهەمێکى چاپکراوى هەیە، لەوانە:

- سەرکەوتن بەرەو بورجی دووانە، کۆمەڵە چیرۆك، بەغداد، 1989.

- سێبەری تووە سوورەکە، کۆمەڵە چیرۆك، بەغداد، 1993.

- ئەو و دەریا، کۆمەڵە چیرۆك، بەغداد، 2000.

- کازیوەی لەقلەقەکان، رۆمان، بەغداد، 2000.

- وێستگە دوورەکان، کۆمەڵە چیرۆك، بەغداد، 2004.

- هاندان، چیرۆک، دیمەشق، 2004.

- گوڵی بادەم، کۆمەڵە چیرۆك.

- سێبەری جەستە، رۆمان، 2015.

- ئەو رۆشنبیرەی لووت لە هەموو شتێک دەژەنێت، لێکۆڵینەوە، 2016.

- كوژرانی کتێب فرۆشەکە، رۆمان، 2017.

- گێڕانەوە بە مێژوو خۆی دەنوێنێت، لێکۆڵینەوە، 2017.

- بوارێک بۆ شێتبوون، رۆمان، 2018.