ئەم بابەتە پۆلێنکراوە لە پیتی: (ع)

Sep 3, 2019

- ناوى تەواوى: عەلی حسێن موحسین ئەلوەردی.

- پیشە: کۆمەڵناس و مێژوونوس

- لە ساڵى 1913 لە ناوچەى کازمیەى شارى بەغدا لە دایکبووە.

- کۆمەڵناس و مێژوونوس و مامۆستای ناوداری عێراقییە.

- بە زانای کۆمەڵناسیی عێراقی دادەنرێت.

- یەکێک بووە لە پێشەنگەکانی (عەلمانیەت) لە عێراقدا.

- لە ژێر کاریگەریی ئیبن خەلدوندا بووە.

- پاشگری ناوی وەردی لە خێزانەکەیەوە بۆی ماوەتەوە لەبەرئەوەی باپیرە گەورەی کاری کردوە لە دروستکردنی دڵۆپاندنی ئاوی گوڵدا.

- لە ساڵی 1924 وازى لە خوێندن هێناوە بۆ ئەوەی لە لای عەتر دروستکەرێک کار بکات.

- بەهۆى خوێندنەوەى کتێب و ڕۆژنامە، کڕیارەکانی فەرامۆش کردووە بەمەش لەکارەکەی دوور خراوەتەوە.

- لە ساڵی 1931 پەیوەندی بە خوێندنی ئێوارانەوە کردوە لە پۆلی شەشی سەرەتایی دەستی بە خوێندن کردۆتەوە.

- لە خوێندنی ئامادەیی پلەی یەکەمی لەسەر ئاستی عێراق بەدەستھێناوە.

- بۆ تەواوکردنى خوێندنى بەکالۆریۆس لەگەڵ کۆمەڵێک خوێندکاری دیکەدا لە زانکۆی ئەمریکی لە بەیروت وەرگیراوە.

- لە ساڵی 1943 بڕوانامەى بەکالۆریۆسى لە لە سۆسیۆلۆجیاى لە زانکۆی ئەمریکی لە بەیروت بەدەستهێناوە.

- لە ساڵی 1943 لە وەزارەتی مەعاریف وەک مامۆستای ئامادەیی و ناوەندی بەغداد دامەزراوە.

- لە ساڵی 1948 لە زانکۆی تەکساس بڕوانامەى ماستەری لە سۆسیۆلۆجی بەدەستھێناوە، ناونیشانی نامەکەشى بەناوى (لێکۆڵینەوەیەک لە سۆسیۆلۆجیای ئیسلام) بووە.

- لە ساڵی 1950 لە زانکۆی تەکساس بڕوانامەى دکتۆراى بەدەستھێناوە، ناونیشانی نامەکەشى بەناوى (تیۆری مەعریفە لای ئیبن خەلدون).

- لە ساڵی 1950 دا وەک مامۆستای زانستی کۆمەڵناسی لە کۆلێژی ئادابی زانکۆی بەغداد دامەزراوە و وانەی سۆسیۆلۆجیای وتۆتەوە.

- لە ساڵی 1970 دا لەسەر داوای خۆی خانەنشین کراوە. 

- لێکۆڵینەوەکانی سەبارەت بە کەسایەتی تاکی عێراقی، لە گرینگترین توێژینەوەکانى هەژمار دەکرێت.

- لەماوەی پتر لە نیو سەدەی ژیانی زانستی و نووسیندا کۆمەڵێ‌ کتێبی زۆر گرنگی چاپکردووە، لەوانە: (کەسایەتیی تاکی عێراقی 1950، خوارق اللاشعور 1951، گاڵتەجاڕیی ئەقڵی بەشەری 1954، واعیزی سوڵتانەکان 1955،  ئەفسانەی ئەدەبی بڵند 1957، خەون لەنێوان زانست و باوەڕدا 1959،  لۆجیکی ئیبن خەلدون 1962، لێکۆڵینەوە لە سروشتی کۆمەڵگەی عێراقی 1965، چەند نیگایەکی سۆسیۆلۆجی لەمێژووی نوێی عێراق 1969).

- بەرهەمەکانى بۆ زۆربەى زمانە زیندووەکانى جیهان وەرگێڕدراون.

- بەشێکى بەرهەمەکانى بۆ زمانى کوردى وەرگێڕدراون.

- لەکۆتایی حەفتاکاندا دەستی کرد بە نوسینەوەی یادەوەریەکانی خۆی لە دووتوێی کتێبێکدا، کە باسی لە ژیانى منداڵی و قۆناغەکانی خوێندن و سەرەتاکانی نووسینی خۆی کردووە.

- لە رۆژى 13/7/1995 لە تەمەنى (81) لە شارى بەغداد کۆچى دوایى کردووە.