ئەم بابەتە پۆلێنکراوە لە پیتی: (ن)

Jan 8, 2020

- ناوى تەواوى: ناسر محەمەد ساڵح.

- پیشەى هونەرى: گۆرانبێژ.

- لە رۆژى 21/6/1955 لە شاری سنەی رۆژهەڵاتی کوردستان له‌دایکبووە.

- له‌ ساڵى 1961 لە ته‌مه‌نی شه‌ش ساڵاندا له‌ خوێندنگه‌ی هه‌دایه‌ت له‌ شاری سنه‌ خراوەتە بەرخوێندن.

- باوکی ناردوویەتە لای مەلایەک بۆ خوێندنی قورئان، ماوەیەک بانگبێژی گەڕەکی خۆیان بووە.

- لە ساڵی 1968 بۆیەکەمجار چووەتە سەرشانۆ و گۆرانیی (دەسماڵێ و دەسماڵێ) بە شێوەی ڕاستەوخۆ لە ڕادیۆی شاری سنە تۆمار کردوە.

- لە ساڵی 1978 لەگەڵ هونەرمەند مەرزییە فەریقی هاوسەرگیریی کردووە.

- لە ساڵی 1979 یەکەمین ئەلبومی بەناوی دێوانە خۆم بڵاوکردۆتەوە.

- له‌ ساڵى 1979 زیندانى ده‌كرێت و لە دوای ڕزگار بوونی لەگەڵ بنەماڵەکەیدا دەچنە شاخ و دەبێته‌ پێشمەرگەی کۆمەڵە.

- لە ساڵی 1985 لەگەڵ خێزانەکی چوونەتە تاراوگە و لە سوید نیشتەجێ بووە.

- لە ساڵی 2004 گەڕاوەتەوە بۆ هەرێمی کوردستان.

- لە ساڵى 2015 لە ریزبەندى یەکەمدا بە باشترین هونەرمەندى نیشتەجێى وڵاتى سوید دیاریکراوە و خەڵاتى پێبەخشراوە.

- لە رۆژى 30/1/2016 لەلایەن زانکۆی سواس کە یەکێکە لە زانکۆکانی شاری لەندەن خەڵاتى ھونەرمەندە نەتەوەییەکانى پێبەخشراوە.

- دبلۆمیی وێژەی وەرگرتووە و بووە بە مامۆستای سەرەتایی.

- ئاوازی بۆ چەند گۆرانییەکی خۆی داناوە.

- چەندین کۆنسێرت و ئاهەنگ لە دەرەوەی و ناوەوەی کوردستان ئەنجامداوە.

- خاوەنى چەندین ڤیدیۆکلیپە.

- جگە لە گۆرانیی وتن شارەزایی لەبواری شیعر و ئەدەبیاتدا هەیە.

- تا ئێستا (13) ئەلبومی بڵاوکردووەتەوە.

- لەگەڵ چەندین هونەرمەندی ناسراو گۆرانی تۆمار کردوە، لەوانە (مەرزیە فەریفی، تۆفیق رەزایی، موحەمەد ماملێ، عەزیز شاھڕۆخ، موحەمەد جەزا،جەماڵ موفتی، نەجمەدین غوڵامی).