ئەم بابەتە پۆلێنکراوە لە پیتی: (ئـ)

Jun 16, 2020

- ناوى ته‌واوى: ئیسماعیل محەممەد ساڵح

- پیشه‌ى هونه‌رى: گۆرانیبێژ

- لە ساڵی  1956 لە شارۆچكەی نۆدشەی سەر بە پارێزگەی كرماشانی ڕۆژهەڵاتی كوردستان لەدایكبووە.

- له‌ ساڵی 1970 چووه‌ته‌ ناو دنیای هونه‌ر و گۆرانى وتن.

- له‌ ساڵى 1979 لە تەمەنی (23) ساڵیدا بەشی هونەرە جوانەكانی لە زانكۆی تاران تەواو كردووە.

- له ‌ساڵی 1979 له‌گه‌ڵ تیپی موزیکی رادیۆ و ته‌له‌فزیۆنی کرمه‌شان ده‌ستی به‌کاری هونه‌ری کردووه.

- له ‌رادیۆکانی تاران، سنه‌ و کرمه‌شان، چه‌ندین گۆرانی تۆمار کردووه.‌ 

- شارەزاییەكی زۆری لە بواری ئاواز و گۆرانی و مەقامەكاندا هه‌بووه‌.

- بە زیندووكەرەوەی ئاوازە ڕەسەنە كوردییەكان ناسرابوو.

- تا ئه‌وكاته‌ى لە ڕۆژهەڵاتی كوردستان بووه‌ (105) گۆرانی و ئالبوومێكی بەناوى سەفەرنامەی كوردستان تۆماركردووە.

- لە ساڵی 2003 هاتووەتە هەرێمی كوردستان و لە شاری سلێمانی نیشتەجێبووە.

- له‌ شارى سلێمانى ئالبوومێكی گۆرانى تۆماركردووە.

- بەشداری لە چەندین بەرنامەی تەلەفزیۆنی و چالاكی هونەریدا كردووە و چەندین كلیپیشی بۆ بەرهەمەكانی لەگەڵ كۆمپانیا و كۆمەڵە هونەرییەكاندا كردووە.

- لە هه‌رێمى كوردستان و كوردانى تاراوگه‌ و به‌شه‌كانى دیكه‌ى كوردستان هۆگرێكی زۆری هەبووە.

- له‌و ماوه‌یه‌ی كه‌ له‌شاری سلێمانی ژیاوه‌ وه‌كو فه‌رمانبه‌ر له‌سه‌ر میلاكی به‌ڕێوه‌به‌رایه‌تی گشتی ڕۆشنبیری و هونه‌ری سلێمانی، به‌شی هونه‌ركانی موزیك كاری ده‌كردووه‌.

- له‌ رۆژى 16/6/2019 له‌ ته‌مه‌نى (63) ساڵى بە هۆی جەڵتەی دڵ لە نه‌خۆشخانه‌ى شار له‌ شاری سلێمانی كۆچی دوایكردووه‌.

- له‌ رۆژى 17/6/2019 لە ڕێوڕەسمێکی شایستەدا لەگردی سەیوان لەسلێمانی بەخاکسپێرداوه.

- لە رۆژی 27/7/2019 لە هۆڵی رۆشنبیری لەسلێمانی، لەژێر ناوی (ئیسماعیل سابووری.. دەنگێک وەک نەسیم) بەشی هونەرەکانی میوزیکی بەڕێوەبەرایەتی رۆشنبیری و هونەری سلێـمانی و سەندیکای هونەرمەندانی کوردستان مەراسیمێکیان بۆ چلەی ماتەمینی سازکردووه‌.